【獨媒報導】立法會昨日三讀通過《社工註冊條例（修訂）草案》，改組社工註冊局，成員增至27人，社工若被裁定危害國安等罪成，將永久除牌。社福界立法會議員狄志遠昨日投贊成票，指社工註冊局早已變得政治化，在投票時候經常出現民選、委任成員的爭拗，希望修例及增加互信後，能再提升民主成份：「我哋宜家希望專業發展呀嘛。你話民主成份，我絕對同意啦，我哋一路咁多年嚟，都係爭取民主嘅朋友。」
狄志遠（資料圖片）
引述孫玉函 新成員為社福界「德高望重的朋友」
在修例後，政府委任的委員將會成為註冊局主流，民選委員將不足三成，委員明日將要宣誓，7名原任民選委員在上月尾已請辭，僅餘下前香港眾志副主席黎汶洛，他早前表示會宣誓。
狄志遠今早在商台節目重申，修例是要推動社福界專業發展，並引述勞福局局長孫玉函稱，新增委任成員來自大學、社福界「德高望重的朋友」，至少一半是社工：「呢啲我就睇到佢嘅誠意啦。」他強調，孫玉函已多次表示，修例能將社工專業化穩步發展，以公眾利益為依歸，又表明對對方有信心，「睇到政府想攞平衡」。
孫玉函（資料圖片）
狄志遠：今次投票係投俾局長 伍銳明斥所謂五宗罪基於「扭曲咗嘅事實」
另外，狄志遠指政府亦希望保留註冊局的自主性，包括推動持續進修、註冊程序等：「我咁多年嚟同局長交往，我對佢有啲信任。」狄志遠表示，社工註冊局近年滲入政治化色彩，亦無助推動專業化，「我今次投票係投俾局長」。
對於孫玉函表示，今次修例令註冊局撥亂反正、重回正軌。前社工註冊局主席伍銳明在同一節目就表示，對方早前提出的所謂五宗罪，是基於「扭曲咗嘅事實」、「唔全面嘅事實」：「以佢自己嘅推斷，定返出嚟。過往所謂嘅亂，其實喺大部份社工角度，都唔係一個亂像。」
伍銳明（資料圖片）
批政府粗暴修例 勉社工窄縫中盡最大努力
被問到請辭原因，伍銳明稱當初在參選的時候，希望能為社工註冊局作出貢獻，但在政府修例後「本身可以發揮到嘅作用都唔同晒」。他批評，當局今次修例十分粗暴，未有正式諮詢註冊局及業界等：「究竟政府點樣再去睇專業團體喺香港發展，定咗一個相當壞嘅先例發生。」
選委界立法會議員管浩鳴表示，當局沒有收回註冊權已屬客氣。伍銳明則稱，註冊權是社工註冊局最基本的功能：「攞返咪交返政府做囉。」至於社工註冊局日後進行選舉，社工的反應會如何，伍銳明稱市民心裡有數。他最後勉勵社工，明白面對很多環境挑戰，只能在窄縫中盡最大努力：「有時啲嘢都係要一步步去行、堅持，去到一個適當嘅時候，大家可以發揮更大嘅力量。」