市建局九龍城重建計劃一出爐，不少朋友在痛罵，亦有不少感到可惜，有些則在說模稜兩可的話，但已經沒太多人在說「反對」這兩個字。
要知道實質影響比起新聞報道巨大，因為它不只是一個重建計劃，不只是受影響那上千住戶及140個商鋪的事，而係幾乎等於消滅整個九龍城歷史城區。再給他毫無挑戰推行，就會像癌細胞大規模擴散去全港舊區，深水埗、荃灣、新蒲崗、西營盤，歷史、地景、社區、小店一一消滅，窮人更無立錐之地。
除左公眾利益，九龍城舊區應該在每個經驗過既香港人心中都佔左特別既位置。大學生搬出黎自己住的初體驗，03年200呎單位月租$1800，開放的天台成為失戀朋友通宵發表的空間，小泰國是昔日接待與全球學者友好的secret little place. 或許不是所有烙印於此地上的記憶都是良好的，但恩怨情愁才令一個地方成為立體、可觸及、有歸屬感，是一群為求財催谷人流而將地方景整容整假街假燈籠既人唔會明白既事。
這些經歷構成了屬於我們的九龍城，遠比沙爹牛肉西多士及潮州魚蛋更私人卻更公共，永遠沒法被市建局轉移重置。
即使好多人覺得問題好嚴重，今日香港公開提出反對心理門檻高左好多，亦不少下左香港已經冇得救既定論，事實上好多更嚴重既事都睇唔到可見將來有變好既可能，咁諗其實都係正確不過。
香港好多野都唔講得，好多事都係毁滅性級數改唔到，但面對當今城市議題，其實不必咁容易妄自菲薄。近年聽得好多一的句：「今時今日你提出反對他還會聽你講嗎？」不過我又會問，究竟他幾時聽過你講，或者過去邊一次係你覺得佢會聽你講先去反對？
看到有些「知識分子」走去做市建局生意宣傳「活化」，有些傳媒朋友走入到做PR，I know what they are doing. 我只是在想，如果我地因為財政自主而成為了這個地產城市的異數，那我地更應該比更多人踏出多一步。
給自己一些信心，不需指望現今體制會良心發現，也不用低估自己的力量。
事實上摧毀一個地方並非如履平地、就算最終成個計劃無法得以扭轉，街道規劃、社區保存、土地壟斷、規劃霸權、唐樓建築、地區特色、侵略公地、政策修辭高檔化等問題，仍然可以有理有據地講，一樣一樣咁爭番黎，結果往往到最後才知分曉。
純粹對自己一個提醒，想辦法把重視的東西盡量留下來，也是向留下來仍有餘力的人的一個呼籲。
（本網歡迎各界投稿，文章內容為作者個人意見，並不代表本網立場。）