【獨媒報導】本港多項國際大型賽事未能如期舉行，行政會議兼立法會成員林健鋒承認，由於入境仍要隔離，已令香港失去舉辦盛事的機會。他認為應盡快放寬檢疫限制，兼取消持核酸測試陰性證明才可上機返港的安排：「我覺得真係要盡快去處理，有啲人話今年年尾，出年年初，太遲啦，太遲啦！」
國際龍舟聯合會昨日通過，原定來年在港舉行的世界龍舟錦標賽，將移師至泰國舉行。本身是商界代表，經民聯的林健鋒今早接受商台訪問，稱「梗係唔好啦」，憂慮影響香港形象。
倡取消持核酸測試陰性證明登機 影響商務客
消息指，當局或在入院及重症人數回穩後放寬至「0+7」。林健鋒就希望當局能正視：「我唔想迫佢，但係商界市民嘅聲音一定要講，如果你今日唔可以去到0，『0+7』好唔好啊？最好就『0+3』添啦，呢個一定要短期推行。」
對於取消持核酸測試陰性證明才可上機的安排，林健鋒指不少地方均難以作測試，「例如英國倫敦係有，平嘅200、300鎊，貴嘅400、500鎊都有嘅，如果你唔係倫敦住，喺一啲郊外地方，你要早三日去倫敦做喎。你驗到陰性無問題啦，驗到陽性你就要返屋企啦，依個係帶嚟好多商務客人好大問題。」
承認本港人才流失 嘲有人走得很急抵英後無工做
在節目中，林健鋒亦承認，疫情不但令入境本港造成障礙，同導致本港人才及旅客流失，「呢個都係不爭嘅事實嚟」。他指出，過去兩年至少有十多萬人離開香港，當中大部分是專業人士，如資訊科技、會計人才，後者尤其驚人。
林健鋒表示，吸引人才回港是當務之急，而且要令對方落地生根，但稱有部分認識的人「一念之差」走得很急，更有些甚或已回港，「去到嗰邊（英國）無工做，日日就係車仔返學，車仔放學，連好似以前喺香港送佢哋學打琴打波都無，好悶！每日嘅工作就係睇住嗰部iPad、電腦睇香港新聞，睇住嗰邊嗰啲新聞好悶，淨係識鬧我地中國，淨係識鬧我地香港！」
稱有信心重新開放後 專業人才返港
不過，林健鋒認為，香港仍是全球最吸引的經濟城市、金融中心，不但能協助企業進入內地，同可作大灣區跳板，而且營商環境良好，可以聯繫世界。他強調對香港有信心，認為在重新開放後，專業人才必定返港，「Hong Kong is a amazing city！」他引述總商會早前的調查指，有不少企業反映，如果政府調整隔離政策的話，便會繼續留港。