【獨媒報導】運輸及物流局局長林世雄在今年5月時代表政府足球隊比賽中擔任守門員，表現有板有眼。他日前出席工聯會立法會議員鄧家彪的網台節目時大談「波經」，指自己小學已開始踢波，惟出來工作後便停止，直至2000年才「復出」，與一班家長組成「元老隊」參賽，自己更要預訂場地及組織人腳，慨嘆「人齊到先係問題」，更笑言「複雜過我喺寫字樓啲嘢」。
鄧家彪與林世雄在今年5月曾分別代表立法會足球隊及政府足球隊「交手」，當時政府隊以3：2險勝立法會隊。鄧家彪在開場時就稱讚對方是「鋼門」，「係我哋特區政府嘅鋼門」，並詢問對方何時開始踢足球。
現年61歲的林世雄稱，小學開始已經踢波，稱當時的男生一有空就踢波，起初只是在街邊踢，至中學就在學校踢，就讀港大時亦有代表土木工程系及宿舍比賽，反而出來工作就沒有再踢。他指直至2000年，兒子參加了足球訓練班，一班家長亦發起組隊比賽，「嗰時大家都40幾歲，參加啲元老隊賽事」，自己更落手落腳預約場地、組織人腳，慨嘆「人齊到先係問題」，更笑言「複雜過我喺寫字樓啲嘢」。
YouTube截圖
政府強調「搶人才」，林世雄亦提到自己曾任港大土木工程系舊生會會長，甚至曾為碩士課程講課，亦有為畢業生講下行內前景及舉辦模擬面試。他強調一直希望「多方面參與」扶掖後進，又認為政府都要有梯隊，希望畢業生可以「容易上手啲」。
YouTube截圖
林世雄：東九龍過山線須考慮效益
政府於2022年底提出以「高架無軌捷運系統」取代2014年提出的東九龍綫方案，連接彩虹與秀茂坪，被問到是否真的有望落成。林世雄稱：「如果你問一個工程師，佢好少講唔可行，其實有好多工程係可行，但其實係實用性同效益性」。他又指擔憂「起咗冇人搭」，「如果你要搭𨋢行兩轉三轉先去到個站，呢個係做得到，但市民用嘅時間效益亦都重要」。
他以港鐵港島綫西延為例，指大部份是沿干諾道西、德輔道西興建，唯獨半山區的香港大學站有多部高速升降機接駁，「如果我哋個個站都係咁，就未必能夠做到個效益出嚟。」
YouTube截圖
稱延伸至藍田有困難 將公佈研究結果
林世雄之後坦言興建大型公共交通系統最重要是維持一定乘客量，並要顧及造價，「當我諗公共交通，如果小巴、巴士能夠做到係最好，因為佢有靈活性，佢前期投資唔係咁大」。他稱如果巴士小巴都不足夠，才會考慮其他公共交通系統。至於過山線會否延至藍田、油塘，林世雄就稱藍田隔了一座山，延伸有難度。
林世雄續指，政府早前已參考了內地與海外的不同技術方案，例如「雲巴」、「智軌」及無軌電車，認為各有優點，但強調運載能力、建設成本、營運成本及可靠性是最重要，但未有透露政府屬意，僅預告政府將會公佈研究結果。