【獨媒報導】飲食界早前在十一國慶當日推出優惠，自由黨飲食界立法會議員張宇人表示，有提供優惠的食肆、餅店生意錄得雙位數升幅，更有港人因此放棄北上：「我喺街度撞到，我平時唔識佢，自動嚟同我講好多謝我哋業界有優惠，好幾個嚟同我講唔洗北上消費啦，有七折。」他又表示，明年將提早減肥以迎接十一國慶優惠：「我會8月減5磅，9月減5磅，等到我9月尾就可以有10磅去增長返。」
今年共有約3,700間商戶參與十一國慶優惠活動，包括酒店業、超級市場、便利店及海洋公園等。張宇人今午與飲食業舉行總結分享會，感謝業界及員工支持，尤其在人手不足情況下，「佢哋都做得好開心」：「有員工同我講多謝做呢樣嘢，佢見到啲顧客大部分都係老街坊老顧客，從來都無食過咁抵食嘅午餐。」
張宇人指李家超未上任已喚構思慶祝活動
在記者會上，張宇人透露，李家超在未上任行政長官前，已喚飲食界構思慶祝活動，遂推出七一優惠，在十一國慶的時候便認為「要做得好過七一」，遂推出七折優惠。張宇人交代相關升幅：「西餅同東海堂銷售喺嗰個期間裡面，有得到雙位數字。國慶優惠嘅Shake Shack 亦都賣超過1,000份嘅單球自家製雪糕。」
左起：張宇人、何小鋒
張宇人表示，今次成功遊說同屬太興集團的敏華冰廳、茶木加入活動，推出全線七折優惠。太興集團總經理何小鋒表示，今次共有13個品牌參與活動，「生意有啲進展啦」，當日人流增長不少，多間餐廳都出現排隊情況，「平時唔捨得食嘅燒鵝髀飯亦都供不應求」。富臨集團亦稱生意雙位數升幅，認為消費氣氛較過往熱烈。
明年將提早安排優惠 張宇人喚業界提早聯絡自己
談到來年十一國慶優惠，張宇人先稱不少飲食業老闆向他稱，責成管理層竟未有參與今年活動：「我就同佢講，老闆你唔好責成你啲管理層，你找我晦氣好啦。因為呢個係我功夫做得唔好，如果我擺多啲時間做多啲，就唔會漏咗你嘅。」
張宇人表示明年會提早安排，不會待七一回歸活動後才安排十一國慶優惠，喚業界亦要提早聯絡自己：「其實大家都有我電話，有我寫字樓電話，有我電郵。你哋任何時間，預備參與嘅提早話俾我聽。」他重申，業界並非藉活動推動生意，而是慶祝回歸、國慶，讓顧客感受到喜悅。
另外，張宇人更呼籲，內地旅客要在十一黃金周來港過夜：「我哋國內啲同胞，你哋明年黃金周十月一，你唔係嚟香港，你真係有好大嘅損失。同埋嚟香港，唔好嚟一日，嚟10日、8日，黃金周裡面嚟齊晒，你會發現好豐盛。」