【獨媒報導】「完善」後的區選會選舉結果全部出爐，工聯會分別取得直選18席、間選9席、委任16席，合共43席，佔全港470個議席不足一成。會長吳秋北今日在記者會上形容「贏嘅贏得漂亮，輸嘅輸得悲壯」，整體結果雖然可以接受，但對「結構性薄弱」的地方委員會間選失利感到遺憾，將會作出檢討，他更激動拍枱稱：「係我哋選舉工程問題？定係我哋社會影響力唔夠？定係平時我哋做得唔足？」另外，他又不點名指有政黨壟斷選舉，向政府作出提醒：「某大黨可能係比較有壟斷性嘅，如果太過集中，反而有失於五光十色。」
間選失利 吳秋北歸咎地委會「結構性薄弱」
工聯會在地區直選派出25人出戰，最終取得18席；但在地區委員會間選就表現較差，21人參選只有9人當選，勝出率只有42.8%；連同16個委任議席，工聯會合共取得43席。工聯會今午舉行總結記者會，會長吳秋北形容選戰「打得慘烈」，對能力所及的戰況表示滿意，但就對「結構性薄弱」的地方委員會間選失利感到遺憾，認為整體戰果可以接受。
吳秋北：會檢視點解三會成員唔揀唔我哋
被問到在地區委員會界別失利是否因為遭到商界杯葛，吳秋北重申是工聯會「結構性薄弱」的結果，已盡最大努力爭取三會成員支持，之後會再加強宣傳。他又強調工聯會的服務特點是「工會加地區」，希望政府認同工人服務的特色，「我哋唔係一般政黨地區服務，我哋係工人特色，工會加地區嘅服務，呢種特色係應該得到認可」。
吳秋北
吳秋北之後主動提及工聯會在港島「全軍盡墨」，「我哋僅僅幾個去爭取，爭取唔到，我哋必須要承認呢樣嘢，呢個就係顯示薄弱嘅地方」。他認三會成員需要認識、理解及支持工聯會的工作，「但無奈選舉就係選舉，選舉就要揀㗎嘛，所以我哋要檢視一下點解佢揀唔到我哋。係我哋選舉工程問題？定係我哋社會影響力唔夠？定係平時我哋做得唔足？」
他愈說愈激動，之後更拍枱稱：「我哋檢視返自己，但係工作上面我哋走在前服務市民，當仁不讓，唔會覺得我哋係輸蝕俾人。」
拍檔夏泳迦落敗 陳穎欣： 不需氣餒
多名參選的網上KOL均敗選，其中包括立法會議員陳穎欣YouTube 頻道的拍檔、出選荃灣東南的夏泳迦。對於拍檔敗選，陳穎欣表示「勝敗乃兵家常事」，認為落敗亦不需氣餒，指KOL的身份雖然有一定幫助，但仍需要團隊幫助，指在欠缺樁腳的情況下，連同在葵涌東勝選的周潔莹，整個團隊得票仍超過四成，反映得票並非組織票，「都係網上輿論工作帶畀我哋、自帶流量嘅票數。」
陳穎欣
稱已為19年雪恥
工聯會於2019年區議會選舉派出43僅5人當選，被問到今屆成績「係咪可以雪到恥」，吳秋北稱今次選舉是「全香港一齊去雪恥」，「19年黑暴顏色革命就係篡奪咗我哋區議會大部份議席，利用區議會搞破壞、搞癱瘓政府奪權，喺建制架構下搞呢樣嘢係奇恥大辱」，強調今次選舉成功已達到雪恥效果，至於在工聯會層面上，能夠重奪喪失的議席都是「另一種雪恥」。
不點名指有政黨壟斷選舉違五光十色初衷
另外，民建聯為今屆區選大贏家，以109席重奪第一大黨之名。被問到認為今屆選舉是否均衡參與，吳秋北不點名批評有政黨壟斷選舉，有違「五光十色」的初衷：「印象之中，某大黨可能係比較有壟斷性嘅，我哋樂見五光十色、均衡參與，我相信呢啲都係政府諮詢架構初衷，如果太過集中，反而有失於五光十色」。