【獨媒報導】彩虹邨重建方案周三出爐，房屋署擬分三階段進行，提供約9,200個單位，最後一批住戶預計2042年遷出，目標2048年至2049年入伙。邨內長者較多，有年老居民希望在彩虹邨終老，認為重建方案「越遲越好」。不過，有屬第三期重建範圍的居民表明要至少20後年才完成重建，認為時間太久、進度緩慢，有街坊更笑言「可能我哋都睇唔到啦」。
樓齡逾60年的彩虹邨現時共有11幢樓，涉及7,400個單位。第一期重建將先清拆碧海樓、金碧樓、丹鳳樓，涉及2,030個單位與兩所空置校舍，住戶預料在2028年遷出，搬到同區的新美東邨，首期新彩虹邨就預計在2035至2036年入伙。第二期重建範圍就包括錦雲樓、紅萼樓、金漢樓及白雪樓，涉及2,860個單位，四幢大廈的住戶預料在2035年遷出，預計2042年至2043年落成入伙。最後一期重建範圍則涉及翠瓊樓、金華樓、綠晶樓、紫薇樓及多層停車場，涉及2,650個單位，預計在2042年遷出，在2048年至2049年落成。
陳太太
長者戶未決定遷置方案 不願「搬細屋」
房委會的「長者戶全免租金計劃」亦適用於彩虹邨重建，即若70歲或以上全長者「寬敞戶」自願「大屋搬細屋」後，可享終身免租。87歲的陳太太居於丹鳳樓已60年，為第一批受影響的住戶。她表示一早得悉重建消息，惟現時未選擇遷置方案，亦不會考慮「大屋搬細屋」，因她原本已居住在細單位，認為「搬完可能仲細一啲」。陳太太表明暫時未有打算：「由佢住到幾時就幾時啦，我哋因為老呀嘛。」她更指與鄰近街坊感情深厚，平日會一起飲茶，並感慨道：「唔捨得㗎真係，要拆冇辦法啦。」
吳小姐
同屬第一批受影響住戶、剛滿70歲的吳小姐居於碧海樓，她亦坦言尚未決定遷置方案，認為彩虹邨四通八達，若要搬至其他地區會感到不便，「出嚟要轉完再轉，轉幾次車」，但無奈政府要重建，自己亦「無辦法」。被問及會否「大屋搬細屋」時，現時與家人同住200多呎的單位的吳小姐就指家居環境本身不大，「間屋啲嘢多到冇埞擺，你仲想我住細啲？咁即係唔使住啦」、「如果要搬梗係搬大啲」。
湛先生
第三期住戶15後才遷出：可能我哋都睇唔到啦
另外，屬於第三批受影響住戶的許太太現時一家五口居於金華樓約400呎的單位，她指客廳及廁所位置經常有石屎剝落，形容「算係危樓」，廁所供水亦不時有問題，甚至「一星期壞兩次」。她認為第三期重建於2042年才開始遷出「真係太耐」，要求局方加快進度，「十年內會ok啲囉」。居住於紫薇樓的湛先生亦有同感，認為應一早開始重建計畫，慨嘆現時只能接受，「都冇辦法㗎，而家2028年先開始第一期，我哋就第三期，即係可能…哈哈，可能我哋都睇唔到啦」。
鄧家彪指重建「遲都好過冇」
工聯會昨日下午亦於邨內舉行記者會回應重建方案，有近百居民出席。立法會議員鄧家彪指彩虹邨已「修無可修」，認為房屋署現時才提交重建方案是「遲都好過冇」。他又指疫情後房署拒絕於邨內籃球場舉辦所有大型活動，相信亦是基於安全考量，反映有重建必要。
黃大仙區議員莫健榮建議將第二、三期的空置單位預留給第一期遷置的住戶，「如果一有吉嘅單位再編配出去，咁變咗彩虹邨第一期（居民）又想留返嚟本邨嘅機會細咗」。他亦希望當局可放寬公屋安排予受影響的居民，讓他們能入住接近公屋人均面積上限的單位，並提議受清拆影響的公屋戶分支家庭多獲分配一個單位。