【獨媒報導】啟德體育園開幕後首個體育賽事、世界格蘭披治桌球大獎賽首日就發生「未完場趕離場」事件，令已購票的觀眾未能觀看完整賽事。其中英文離場通告更用上「curfew」即「宵禁」一字，新民黨立法會議員何敬康就批評用字「好錯」，影響香港國際形象，更表示「小學生都唔應該犯嘅錯誤，其實我哋大人都應謹守原則」。
世界格蘭披治桌球大獎賽在周二（4日）於啟德體藝館開鑼，不過首日賽事便不歡而散。賽事打至晚上11時許，加蘭韋爾遜對沙治以及吳宜澤對龐俊旭兩場比賽都未完場，場館就顯示離場通告，指根據場地限制，觀眾需要在午夜前離開場館，其中英文字句更用上「Due to local curfew rules（根據本地宵禁規例）」。部份球迷在場外鼓譟爭論，賽會兩度致歉，並讓受影響的觀眾憑票尾兌換周三、四賽事任何場次同等票價的門票作補償。
網上圖片
「宵禁」為由清場 何敬康憂損香港國際形象
新民黨立法會議員何敬康今日在Now新聞《時事全方位》上批評主辦方用字不當：「尤其是呢個係國際比賽，你出咗一個好錯嘅告示，甚至乎喺某啲情況係要負上法律責任。」他進一步指出：「所以我覺得唔係寫錯中英對照咁簡單，第一形象嘅問題，我哋香港作為一級國際城市，小學生都唔應該犯嘅錯誤，其實我哋大人都應謹守原則。」他建議日後的主辦單位應準備多個預案，以應對突發事件。
資料圖片
莫華倫：唔好咁死板一夠鐘就趕人
至於主辦今次賽事的公司F-Sports Promotions Limited 總監莫華彤，亦是全國政協委員莫華倫的胞兄。正身處北京出席全國人大會議的莫華倫訪問時就承認做法不夠彈性：「所有比賽、所有場地，應該更加靈活處理呢啲事，唔好話咁死板，一夠鐘就趕人，特別係桌球，又唔會吵人，仲要喺室內，你話影響咩人？乜人都冇影響，只係令到嗰啲人遲啲放工咋嘛。老實講，係咪先？你話喺大球場就驚吵住隔離瞓覺。No, it's not the issue.」