【獨媒報導】《施政報告》提出明年內完成《基本法》第23條立法，律政司司長林定國今早出席一個活動時稱，有信心能夠完成：「呢個係一定會做得到嘅事情，我可以咁講，亦都係一定需要完成嘅目標，呢個唔係一個KPI嘅問題，呢個係一個欠交嘅功課問題。呢個唔係新嘅目標，我哋係還緊舊債。」
林定國早上出席灼見名家周年論壇暨九周年慶典，他在致詞時談到《基本法》第23條立法，重申是屬於特區憲制責任：「廿幾年都未搞得掂嘅嘢，的確係講唔通。」林定國指立法過程審慎，當中包含基本原則，當局必定會遵守《基本法》相關條文，包括本港適用的人權公約所保障的言論自由、集會自由，「我哋都係需要堅守」；又指《港區國安法》條文中亦提到，在維護國家安全的大前提下，需要尊重人的基本權利及自由。
談到立法的原則，曾任大律師公會主席的林定國指，當局會以有效維護國家安全為前提，同時以兼顧、充分尊重香港人的權利及自由作基礎：「拿一個合適嘅平衡點，照顧大家共同關注嘅議題。特首俾嘅KPI 如果達唔到標就好了⋯⋯呢一件事係非常之有信心，呢個係一定會做得到嘅事情，我可以咁講，亦都係一定需要完成嘅目標，呢個唔係一個KPI 嘅問題，呢個係一個欠交嘅功課問題。呢個唔係新嘅目標，我哋係還緊舊債。」
林定國：立法如同打疫苗加強自身抵抗力
在論壇上，林定國指必須抱有憂患意識、底線思維，採取有效措施，才能確保香港有一個相對安全的環境。他再三強調，23條立法絕對不是對人權、自由施加不合理的限制，並比喻指如同預防疾病的疫苗，加強自身抵抗力、防止傷害。
林定國亦重提2019年反修例風波：「相信大家都記得四年前2019年，喺同一個時間大家經歷過啲乜嘢事情，呢一個對所有香港人嚟講非常慘痛嘅教訓，其中一個原因就係當時候，我哋香港冇一啲管用嘅法律工具，可以依法、及時咁處理，同應對當時嘅亂象，我好相信大家唔希望歷史重演，我哋亦都唔能夠讓歷史重演。」
