【獨媒報導】政府宣布已購入巴黎奧運及殘疾人奧運會轉播權，對於本港與當地有較大時差，文化體育及旅遊局局長楊潤雄亦認有時差問題，但強調從政府角度，希望提供免費轉播讓市民看到精彩比賽：「舊年有陣時你話同一個時間，一方面固然係有啲人可能容易啲睇啦，唔需要夜晚、半夜睇，但有啲可能因為佢工作時間，令到佢亦都未必睇到到。唔同人因為工作、生活等等都有唔同，對今次有時差啦，對佢影響都唔同。」
行政長官李家超今早出席主持行政會議前公布，政府已購入巴黎奧運及殘奧的播映權。文化體育及旅遊局已與本地免費電視台包括無綫、ViuTV、HOYTV，及香港電台達成播放安排。
電視台播放時數有一定要求 奧運後持續製作宣傳運動節目
楊潤雄下午出席立法會民政及文化事務委員會後見記者，記者關注巴黎與本港時間有時差，部分比賽項目的時間正值香港凌晨，會否影響轉播效果。
在回應時，楊潤雄表示，從政府角度希望提供免費轉播，讓市民看到精彩比賽：「今次嘅奧運會的確同上一次喺東京奧運會有分別，因為有一個免費轉播嘅時候，更加讓香港嘅市民有機會睇到。舊年有陣時你話同一個時間，一方面固然係有啲人可能容易啲睇啦，唔需要夜晚、半夜睇，但有啲可能因為佢工作時間，令到佢亦都未必睇到到，唔同人因為工作、生活等等都有唔同，對今次有時差啦，對佢影響都唔同。」
另外，楊潤雄表示，政府對電視台播放時數有一定要求，包括播放香港運動員出賽的項目，及在事前製作宣傳節目，在奧運後持續製作宣傳運動的節目，當局稍後將會交代相關條件。
資料圖片
買轉播權變恆常安排？ 楊潤雄稱未有睇法
至於政府會否考慮，往後每屆奧運都購入轉播權，或定下條件轉售予電視台。楊潤雄稱當局一直留意事態發展，每屆都有不同考量以決定是否介入或購買轉播權：「我哋暫時唔會有一個睇法，話將來究竟會點。我諗個目標都係，讓我哋香港人有機會睇到咁精彩嘅比賽，亦都可以借住呢啲轉播，表達對香港運動員出賽嘅支持。」
記者追問當局購入轉播權的因素及準則，楊潤雄重複稱，當局希望讓香港市民欣賞每屆的奧運比賽，但每屆情況包括經濟情況都不同，「好難宜家咁快講定四年之後會點」。