（獨媒報導）在九龍東的油塘，有一份社區報《集油》，去年九月，他們出版第一期社區報，每次印刷5,000份，內容包括社區專題、區議會快訊等，至今一年。
《集油》團隊目前有22名成員，包括學生及在職人士。成員呀昆則在《集油》出版第二期時加入，他在2019年時有感區內居民接收資訊的渠道非常單一，「無非就係TVB同街上面派嘅免費報紙」。呀昆偶然在Facebook上看到《集油》專頁，便毅然加入團隊：「初初以為係fake account嚟，冇諗過油塘會有班咁傻嘅人去做份報紙」。
Yito、Angel、呀夕、呀昆
另一個令呀昆加入的原因，便是看到民主派議員的社區工作舉步維艱，希望社區報可以喚醒身邊的油塘人，落心落力地參與社區事務。
呀昆最記得一次他到公園內派發報紙，有位大叔立刻表明「係咪又係講啲咩五大訴求呀，唔睇！」。呀昆要花上10分鐘跟他解釋《集油》的宗旨及該期的內容，那名大叔最終亦願意接過報紙。
油塘雖然屬市區，呀昆認為油塘與新界的「睡房城市」一樣，很多居民都對油塘沒有歸屬感。他希望透過《集油》，令無論是成員及居民均可以更認識及欣賞自己的社區，並對身為油塘人的身份感到自豪：「就好似屯門人會叫自己做屯門牛，雖然係取笑自己，但感覺到佢地仍然 proud of 呢個身份」。
油塘近年不斷有發展，除了屬大型基建的將軍澳藍田隧道外，在油塘多處亦有改劃土地及開山劈山建屋。《集油》曾跟進區內茶果嶺村拆遷建公營動屋，其中一名成員Angel表示非常過程難忘。她指茶果嶺雖然是油塘一部分，但卻被很多油塘居民忽視以茶果嶺村為頭版的一期。她坦言創報的時候已預視到改變居民看法並非易事，但一如《集油》記者證上印上「油始至終」四字，期望團隊可以歷盡艱辛，堅持改變社區：「只要佢哋（居民）願意接收資訊、接收多咗嘅時候，總會有個變化喺到」。
社區報成員來自五湖四海，分歧難忘，Angel亦坦言團隊試過意見不合，有些成員更因而減少投入編採工作、通訊群組投票甚或選擇退出團隊。社區報資金亦是重要的壓力，雖然獲得部分資助，但成員都需要墊資其他採訪開支，《集油》期望未來推出付費訂閱計劃及增加廣告收入，最壞的打算是成員自資出版：「好唔容易先創立到、算係上到軌道，冇理由咁樣睇住份報紙冇咗，嗰種心痛而家都想像到」。
然而，社會的環境未必會容許社區報繼續出版。呀夕則表示，目前只能夠「諗我哋應該做啲咩，唔係諗要擔心啲咩」，慨嘆目前社區報需要篩選讀者來稿及過濾受訪者言論，會在餘下的空間繼續辦報：「記者要突破恐懼，繼續尋找真相」、「如果我地固步自封，咁就會落入敵人嘅圈套」。
另一名成員Yito則指，只要街坊願意支持，就會繼續辦報，而社區報可以承傳意志，「人係好善忘嘅，真係要做啲實際行動，不斷提醒自己發生過咩事」，「我地要堅持一步步做自己希望做嘅嘢。我相信已經知道真相嘅人，要翻去以前咩都唔知嘅狀態係冇可能」。
Angel期望《集油》可以成為居民參與社區事務的契機及媒介，了解區內及社會的事，從而鞏固他們作為油塘、甚至是香港人的身份：「唔一定要住喺嗰到先可以關心社區，（身份認同）冇咁容易搣得甩」。她期望大家在最壞的環境下，仍能關注獨立記者或社區媒體：「如果我地可以關心及主動留意社區發生咩事，然後令社區變得更好。社區更好嘅時候，香港就會更好。」
呀昆則說，籌辦社區報並非可歌可泣的壯舉，而是每個留下來的人都可以做到的事，「香港由唔同社區組成，如果大家都唔關心社區嘅時候，談何香港呢？」「冇必要懷憂喪志，要互相扶持。」
記者在訪問尾聲時，問及團隊有什麼希望跟油塘的街坊說，Angel打趣道「做齊CLS囉，課金呀！」。迎新則道「希望街坊珍惜」，記者追問「珍惜啲咩？」，她說「珍惜所有我地而家仲可以做嘅嘢」。