【獨媒報導】位於元朗創新園的全港唯一紙包飲品盒回收廠「喵坊Mil Mill」不獲業主科技園公司續約。科技園連日飽受批評，今午行政總裁黃克強終親身回應事件。他在45分鐘記者會，逾30次稱科技園「幫緊」、「幫忙」、「幫到盡」喵坊，包括去年延長一年租約。被問到為何不再「幫」，黃克強指因為「合約精神」，加上園區有其他計劃，反問：「我哋仲可以做到啲咩呢？」黃在記者會多次嘆氣，又與記者唇槍舌劍，記者問合約是3年死約，去年延約安排是否違反合約精神，黃克強大呻：「我真係好委屈好慘，幫你忙仲話我。」
「喵坊Mil Mill」現時的最新命運，黃克強在記者會上透露暫時給予3個月寬限期，但「兩三年真係無可能」，他一再強調「幫得幾多得幾多」。「喵坊Mil Mill」早前公開表示，不是想阻撓科技園發展微電子中心，希望科技園給予2至3年的搬遷寬限期，協助尋找合適廠地作長期運作。
黃克強對坊間批評感「相當痛心」
黃克強強調今次記者會不是談與「喵坊Mil Mill」的關係，而是講「事實」，對於近日出現對科技園的批評，他形容自己「相當痛心」。他敍述的「事實」包括，在2018年與「喵坊Mil Mill」簽合約3年，合約「無其他嘢」，在疫情期間科技園給予支援措施，包括資金補貼7,800萬元。
黃克強表示在2020年中，主動提醒對方，3年合約快到期，曾幫助對方找合適廠房。由於「喵坊Mil Mill」找不到合適地方，科技園延長租約1年，他反駁「一到期就趕走」的說法。他最後指，「真係畀咗個 exception（例外）佢，我哋盡咗力，好遺憾，租約期滿咗」。他補充去年由「喵坊Mil Mill」主動提出延期1年，並非由科技園提出。
耍太極不答下手租戶 記者：「不如你正經答」
記者會進入答問後火藥味急升，多名記者接連追問為何不給予3年搬遷寬限期。黃克強及科技園公司再工業化高級總監姚慶良同稱，正如特首李家超早前所言，創新園需要重新定位，宏觀整個園區是「相當唔錯發展空間」，但「如果有地方未知點樣，計劃時就拖慢咗」。有記者再問，是否代表現時未有確實發展計劃，黃克強說「有大方向」，又指若寬限「多多3個月、6個月，就少咗3個月、6個月發展下一步」。
有記者表示「不如你正經答有無下一手租戶」，姚慶良微笑道「我哋係有計劃嘅」。在場其他記者再問「咩計劃先」，新聞官立即解圍，說今次記者會不是合適場合交代。有記者再問，「喵坊Mil Mill」為香港提供獨一無二服務，科技園是否太僵化而墨守成規？黃克強立即表示「我唔同意喎」，又指「我哋有主動幫佢，做咗好多嘢幫佢忙，墨守成規係你個人意見，我無法子回應。」
黃克強：我哋真係好委屈好慘
黃克強在記者會上逾30次提到「幫」喵坊，更曾表示：「大家唔知有無感覺到，由2018年到而家，其實係幫佢㗎，我哋盡緊我哋既能力幫佢㗎，希望幫到佢哋㗎。」黃克強又在記者會最少7次提出「合約精神」，有記者問黃克強，既然合約是「死約」，去年提供1年延長是否已違反他重視的「合約精神」。黃克強立即表示「如果你咁講，我就真係好委屈喇其實，幫你我忙仲話我」，因為園區「有其他第二啲野做㗎嘛」，所以只能盡力幫。他再重申：「真係好委屈好慘，我真係幫緊你，beyond（超出）能力都做咗，如果係咁我哋真係委屈。」