【獨媒報導】發展局昨日公布在本港東北水域的赤洲發掘到恐龍化石，估計屬白堊紀時期，即距離今約1.45億年前至6,600萬年前，為香港歷來首次發現恐龍化石，文物探知館明日起將會展出。發展局局長甯漢豪表示，目前未知化石屬於哪種恐龍，當局會繼續在赤洲尋找：「初步已經覺得係會有更多㗎啦，但係有幾多就要上到去再睇。」她呼籲，市民切勿到赤洲阻礙專家進行研究工作。
古蹟辦在今年3月接獲漁護署通知，指赤洲的沉積岩或含有疑似脊椎動物化石。當局遂邀請中國科學院古脊椎動物與古人類研究所專家來港，相關人員6至8月在赤洲實地考察、採集及分析樣本。經專家初步鑑定後，確定樣本為大型年長恐龍骨骼化石。
漁護署人員恆常工作時發現 讚「同事有呢一個底」
點解漁護署人員會發現恐龍化石？甯漢豪今早在商台節目《在晴朗的一天出發》表示，漁護署數年前在赤洲進行恆常採集標本工作，發現相關化石：「漁護署同事有呢一個底，佢覺得、佢懷疑係有一啲動物脊椎嘅化石嚟，但係咩動物，佢嗰陣時都唔知道嘅。」
此外，甯漢豪解釋，考古、建築文物保育均由發展局轄下的古蹟辦負責，而當局在2020年與內地簽署框架協議，獲介紹中國科學院古脊椎動物與古人類研究所。
甯漢豪又表示，漁護署會繼續在赤洲尋找化石，甯漢豪指當局亦會與大灣區其他城市進行配對：「都再要繼續喺赤洲，應該仲有啲化石嘅，佢哋再搵多啲啦。同埋亦都同大灣區其他城市，其實都有出土過呢啲恐龍化石，或者蛋嘅化石，佢哋再配對埋，希望第日成個景象釐清咗。」
已圍封赤洲作研究 水警附近巡邏
談到發現恐龍化石對本港的意義，甯漢豪稱從研究歷史角度來看，可以讓人對億年至千萬年前的香港有無限想像空間，「原來研究歷史可以係咁闊」。在短中期方面，甯漢豪稱「既然我哋搵到呢啲寶物啦」，當局將會舉行展覽，並構建華南地區的恐龍故事，讓市民及旅客了解更多。
另外，當局已公布圍封赤洲繼續進行研究工作，警方水警在附近巡邏，市民亦不可以登島。甯漢豪就呼籲：「好熱衷呢件事情嘅市民，唔好嘗試喺呢段時間去走近，因為都係會騷擾到專家。」她提到赤洲附近的風浪較大，而且亦沒有碼頭：「因為真係唔希望騷擾專家做嗰個工作。」
