（獨媒報導）卡塔爾世界盃月底開鑼，中大逸夫書院舉行聚會，三名學者兼足球迷馬嶽、蔡子強及呂大樂暢談足球，及到現場睇波的經歷。馬嶽、呂大樂二人都是意大利球迷，但意大利連續兩屆未能入圍決賽週。馬嶽就笑言：「我捧嗰隊（意大利）一定唔會輸，中國隊同香港隊一樣，決賽週係唔會輸。」呂大樂同稱：「所以其實今屆係無世界盃，所以冬天又好，中東又好咩都好，都唔關我事。」
四年一度的世界盃今屆歷史性在冬天舉行，最早的場次在香港時間晚上六點開波，馬嶽表示如果今屆要睇足64場賽事，對年紀大的人來說屬很大挑戰。蔡子強則笑指，今年決賽在12月18日舉行，一眾大學生仍未完成考試。
馬嶽盼曼聯球員所屬國家隊盡早出局
眾所皆知，馬嶽是英超球隊的曼聯球迷，至於國家隊，他就表示其追捧的意大利今屆無緣世界盃決賽週，笑言：「我捧嗰隊一定唔會輸，中國隊同香港隊一樣，決賽週係唔會輸。」馬嶽「期望」，愛隊曼聯的球員，所屬的國家隊可以盡早出局，讓球員能有更多時間休息。他又稱，多年來均「反巴西」：「但近一兩屆發覺唔洗反，佢自己去到一個位就會自殺，唔知點解突然半場波唔識踢。」
聚會上談到睇世界盃的樂趣，馬嶽認為，趣味在於看到之前未有留意的球隊及球員，例如上屆的摩洛哥、伊朗，是他最欣賞的兩支球隊：「咁多年都唔係好期望睇足球巨星，坦白講足球巨星宜家你每個禮拜都睇緊。」馬嶽笑言，期待在揭幕戰即卡塔爾對厄瓜多爾比賽中，發現不認識的球員，並在遊戲Football Manager 中使用。
馬嶽
自稱「打倒英格蘭國家隊球迷會」副主席 呂大樂改撐威爾斯
呂大樂本身是利物浦球迷，而他自1982年已是意大利的支持者，不過球隊連續兩屆不入決賽，「所以其實今屆係無世界盃，所以冬天又好，中東又好咩都好，都唔關我事。」他更笑言，自己是「打倒英格蘭國家隊球迷會」副主席，在沒有意大利的情況下，今屆會改為支持威爾斯，希望看到英格蘭在分組賽出局。
蔡子強則是德國支持者，但指該國近年走下坡，「諗起佢哋前鋒係添姆雲拿、夏維斯，唉，就真係無乜期望。」
三名學者兼球迷有不少共通點，他們均曾在中大任教「足球的社會科學」一科，亦會到現場看大型足球比賽。馬嶽2002年曾到韓國睇波，他在現場見證韓國擊敗葡萄牙、意大利及西班牙，成為該屆的殿軍，「係我人生裡面睇過嘅足球，黑哨最嚴重嘅個案，無出界話出界，無越位話越位，托廸俾人勾跌無罰12碼，仲俾多個黃牌罰佢出場。」
蔡子強
二十年前日韓世界盃 呂大樂曾送波飛予學生
呂大樂亦是足球狂熱份子，他是2002年日韓、2010南非、2018年俄羅斯世界盃的座上客。呂大樂在聚會中分享了一件趣事，他在2002年買了一場日本、三場韓國的世界盃決賽週門票，但因事先行回港。他回港後在中大舉行的一次逸夫月會，對學生「派福利」，如學生舉手答對問題，可獲得與世界盃有關的獎品，最後只有一名女學生舉手兼答對問題，她獲得一張在漢城舉行的世界盃門票。
該名女學生隻身到漢城睇波，但由於當地的酒店房間不足，韓國安排球迷入住球場附近的大帳篷，她最後在二日一夜後回港，回港後更對呂大樂報平安。
此外，呂大樂在2018年到莫斯科睇世界盃，他分享指居住的酒店餐廳中，擺滿了列寧的裝飾品，老闆亦十分崇拜列寧，他表示十分推薦學生參與足球旅遊。點解今屆唔去現場睇？呂大樂就表示，之所以未有考慮前往卡塔爾，因為「中間如果有三日唔係好知喺卡塔爾搞乜」。
大賽現場睇波常客 馬嶽：人一生物一世
馬嶽認為，現場睇波與睇電視是截然不同的體會，指八十年代曾每年入場睇三十多場本地波。除了2002年日韓世界盃，馬嶽在1994年曾到美國看世界盃，2004年則到葡萄牙看歐洲國家盃，2012年更和蔡子強到烏克蘭觀賞歐洲國家盃，「我嘅概念就係，人一生物一世，現場睇過一啲重要球賽，重要球星，中間去遊歷景點。」
不過，蔡子強表示，現場睇波其實十分辛苦，球迷在完場後要先迫出球場，再找交通工具，往往要用上兩至三小時才回到酒店。
在2012年，蔡子強與馬嶽曾到烏克蘭三個城市，包括基輔、哈爾科夫及頓涅茨克睇波，其中四強即西班牙對葡萄牙的賽事，便在現時已遭俄羅斯併吞的頓涅茨克舉行。馬嶽表示，該城市沒有其他景點，其實沒有遊歷價值，但就屬於很好的體驗，可以拓闊眼界，「我哋細細個無咁全球化，認為地理，地名、國家名最初都係因為足球。」
呂大樂有感而發 指足球重尋人生意義
足球與政治的關係密不可分，蔡子強認為世界盃涉及民族主義，指後者是在後共產主義年代最重要的意識形態，而中國人對世界盃可能較冷漠，「可以想像全國都會好瘋狂，如果見到國家隊，世界盃做起嘅狂熱、政治，球會層面俾唔到。」他指出，上屆主辦國俄羅斯便是最佳的例子，總統普京欲藉此展示實力，民族主義成功令賽事更為激情。
另外，呂大樂有感而發，指足球令自己在讀書成績欠佳的情況下，重新找到人生意義。他指中一試過考第尾，百無聊賴下加入校隊，更會用球員證入場睇本地波，在場館睇波時便試過站在胡國雄旁邊，「覺得自己好勁咁囉」。
呂大樂
蔡子強挪揄張宇人 喚學生約呂大樂踢波「隻揪」
逸夫書院足球隊隊長、副隊長均有出席聚會，蔡子強笑言要委屈一班學生聽他們分享，又挪揄在早前的中大校董會上，張宇人喚香樹輝到後巷「隻揪」一事：「踢得波嘅人喺台下，睇幾個已唔踢得波嘅廢老喺度講世界盃，不如落嚟『隻揪』，落去場踢兩腳！」馬嶽則問：「後巷喺邊？」
蔡子強及後不忘抽水，追問呂大樂在球場岀任的位置，後者指在C Grade是中堅，B Grade則任前鋒，最後則任右閘。蔡子強便喚逸夫書院足球隊隊長、副隊長找呂大樂「隻揪」：「如果呂大樂俾你過到，你就話今晚餐飯我請，如果過唔到，就呂大樂請！」
馬嶽：本地球員個人技術較八十年代退步
有學生問嘉賓對本地波的看法，蔡子強耍手擰頭，稱沒有關注本地足球聯賽的「美德」。呂大樂同稱，已沒有觀看本地波多年，但如有贈券則會到旺角大球場看香港隊的比賽。
馬嶽對上一次入場要數2019香港主場對伊朗，他認為本地足球員的個人技術較八十年代退步，但指亞洲球隊近年在提升戰術上十分重要，「一定唔夠全盛時期咁多人睇，都叫做吸引到一部分球迷入場，水準又唔係真係咁低。」
在聚會尾聲，呂大樂便笑言，「睇波要搵黃昕然呀嘛，不過可能淨係睇到深水埗」。黃昕然是現任深水埗民政事務專員，讀書時曾任中大學生會會長，地區球隊深水埗參加今屆港超聯賽事。
