陳潤潼（右）
【獨媒報導】由足總牽頭、副主席霍啟山斥資千萬成立的香港U23今日下午出戰菁英盃對冠忠南區，在上半場落後三球情況下，下半場憑後備入替的陳潤潼一射一傳連追兩球，最終以2:3飲恨，開季三戰不勝。
黃浩然、陳靜謙今仗繼續鎮守中路
香港U23「地標戰」對晉峰表現進取，賽和對手搶得1分，但之後對東方龍獅大敗7:0。球隊之後宣佈加入前東區前鋒林智豐及前沙田中堅吳子聰，但二人因體測文件問題今仗未可上陣。香港U23變陣排出442，由吳文希搭黃智康作攻堅，4人防線則繼續由黃浩然、陳靜謙及張俊軒擔任，左閘則改由周家樂出任。另外，今仗共有722人入場，包括冠忠南區主席陳文俊、香港U23班主霍啟山、標準流浪總監李輝立及立法會議員馬逢國。
史提芬彭利拿先開紀錄
鞠盈智一傳一射 南區半場入三球
冠忠南區開波即狂攻，史提芬彭利拿10分鐘內三度壓入禁區，但均射斜。21分鐘，鄭展龍左路禁區邊博得罰球，鞠盈智斬入小禁區，盧斯安奴腳外側彈予史提芬彭利拿撞射成1:0。30分鐘，鞠盈智左路底線傳中，杜度一頂入網至2:0。香港U23一度靠快攻反撲，38分鐘林樂賢直線交予鄧筳霑，但告射高。臨完半場，鞠盈智禁區頂左腳射門，皮球擦內柱入網，南區遙遙領先至3:0。
香港U23連追兩球掀高潮
換邊後60分鐘，香港U23首先換人，由馬文政及李藹軒分別入替鄧筳霑及黃智康。68分鐘，馬文政右邊傳中，吳文希來遲一步，皮球掠門而過。冠忠南區則先後換入翟廷峯、陳嘉宝、鄭進泓、蘇荻安及蔡子濤。
香港U23再換入陳潤潼及黎培基即見效，70分鐘，陳潤潼右路接應黎培基斜線，壓入禁區快射入網，扳成1:3。89分鐘，陳潤潼再發威，右路傳中予吳文希衝頂入網再追近一球，牽起全場高潮。南區史提芬彭利拿於補時階段一次爭波中倒地，球證胡春星吹停比賽截停香港U23快攻，引起球迷狂噓，香港U23最後一擊大腳傳中無功而還，以2:3惜敗。
香港U23班主霍啟山（右）賽後與教練張健峰傾談
張健峰：想俾佢哋develop
香港U23主教練張健峰指「想話俾佢哋聽呢隊波知唔係要贏冠軍，係想俾哋develop」。他形容球隊上半場表現不符預期，比賽初段心急及怯場，但認為球隊在專注程度上已大有進步。他稱下場有信心在港會身上取分，但強調比數並不重要，「如果佢哋贏咗但踢到好似上半場咁，我都唔係好滿意。但如果踢到下半場咁但輸咗，我會覺得合格。」
完場後，不少球迷為香港U23鼓掌
陳潤潼感謝球迷打氣好幫手
首次在職業賽事取得入球的陳潤潼賽後指入球很突然，稱本身踢開右閘，但卻獲安排入替踢右翼，對入球相當意外，「半場輸緊三球都冇乜點諗，落到場就盡力踢啦，起碼唔好再失波先」。他指球迷在尾段的打氣「好幫到球員手」，令球隊意志高昂，追至只差一球亦是有交代，「結果係點唔知，但起碼做好自己先」。
鞠盈智
鞠盈智不滿下半場表現：覺得好難睇
冠忠南區中場鞠盈智稱滿意自己表現，但更關心球隊表現，認為球隊應表現出強大控制力，「對住班後生球員，領先三球俾人追返兩球，後尾差啲都輸同俾人追和，我自己覺得南區呢隊波唔應該出現呢啲問題。」他認為要加強球員及教練溝通，「如果今場對住傑志、對住東方、對住理文，係咪分分鐘俾人追和？」鞠盈智亦稱沒有輕敵，但認為球隊領先三球後放鬆心態，「我唔知下半場班球員諗咩，我自己就覺得好難睇」。
教練列文則指星期日仍有比賽，所以下半場早段已換人，但認為後備球員可以做得更好。他又指香港U23雖然輸掉比賽，但從中吸取不少經驗，相信球員會不斷步。
記者：周頌謙