【獨媒報導】香港足球再次成為傳媒焦點，先有港隊主教練安達臣昨日宣布離任，廉政公署同日拘捕12人涉嫌「打假波」，據了解港超聯球隊均業北區涉案。足總會長貝鈞奇承認，「打假波」予人負面觀感，更或影響投資者、贊助商對香港足球的意欲，會令人認為球隊高層懵然不知，形容他們都是受害者：「好易影響投資意欲，贊助商嘅贊助方向，呢個就有啲影響嘅。」
廉署繼去年「碧草」行動後，日前再展開「勁草」行動打擊本地足球「打假波」，拘捕12人涉及港超聯、乙組賽事。貝鈞奇今早在商台節目指「十幾年嚟都有呢種情況出現」，稱早已強調要斬草除根，不然便會野草燒不盡，春風吹又生：「總會有啲不良份子喺度，覺得有機可乘、混水摸魚，從事不法行為，當然有啲利益啦。」
貝鈞奇曾任足總主席，任內亦曾爆出「打假波」事件，他重申斬草除根、連根拔起最為重要：「過往一直以嚟，有部分害群之馬始終抱住僥倖心，覺得都拉唔到我嘅、我哋做得好機密嘅，佢哋始終有咁嘅心態。」
貝鈞奇（資料圖片）
貝鈞奇稱今次屬個別事件 指相關片段「好礙眼」
然而，貝鈞奇認為教練、球員遭非法外圍利誘才是主因，指按廉署公布投注額竟達百萬元：「賺取多倍利潤，誘因係好大嘅。」主持問到足總，應如何避免同類事件發生，貝鈞奇認為今次屬個別事件：「當然呢個都係一小撮㗎啫，唔係話整體發生喺我哋球員呀，球圈呀之中，係個別嘅事件啦。」然而，貝鈞奇承認予人負面觀感，
資料圖片
另外，網民昨日轉發疑涉案的港超聯球隊均業北區，球隊守門員林駿杰的「離奇失誤」片段。貝鈞奇形容，相關片段「好礙眼」，例如有後衛將皮球頂入自己一方的龍門，及守門員將皮球省向對手後彈入網：「都係想輸波，製造嗰個賽果出嚟，呢個都係好礙眼，大家都當然係懷疑啦。」至於如何證實球隊職球員收受利益，貝鈞奇稱要交由執法單位檢舉及拘捕行動，強調足總與廉署緊密合作。
另外，文體旅局昨日亦發出新聞稿，形容鑑於事態嚴重，已要求足總邀請廉政公署全面檢視港超聯、其他級別足球聯賽的安排，以堵塞貪污漏洞，確保香港足球運動在公平廉潔的環境下發展，並表明對「打假波」絕對不能容忍。
安達臣（資料圖片）
被問安達臣離任 貝鈞奇：離離合合都常見嘅事
談到港隊主教練安達臣離任，貝鈞奇稱人望高處：「離離合合都常見嘅事啦。當然球迷、球圈中人對呢位教練都好欣賞。佢人望高處、都要離開，暫時嚟講已經成為事實，係嘛！我相信我哋啲球員都會繼續努力嘅。」
在安達臣的公開信中，他點名感謝貝鈞奇等人。貝鈞奇讚揚對方，任內與港隊球員有不少磨合：「佢係相當之好，同埋佢形象方面，俾我哋印象都好好。我同佢過去有啲賽事，大家都一齊參與，我都好欣賞佢。」
被問到足總是否「續得太遲」，貝鈞奇表示不作評論：「因為佢（安達臣）都解釋咗啦。」貝鈞奇相信安達臣有其最終決定：「突然之間有份咁吸引⋯⋯佢條件嘅工，佢可能會想去嘗試，好難『拒抗』。」
資料圖片
消息指安達臣獲內地百萬元月薪聘約 貝鈞奇：香港難以相比
消息指有中甲球隊開出百萬元月薪，挖角安達臣過檔，主持問到香港是否難以提供同類條件。貝鈞奇承認香港難以與中超球隊、國足相比，形容是天淵之別。他認為天下無不散之筵席：「佢有更加好嘅方向好，佢自己作咗重要嘅決定。」
主持關注，有說法認為每當香港足球交出好成績，便要「重新嚟過」。貝鈞奇就認為要迎難而上，在困難中勇往向前，擁有永不放棄精神，並認為近年不少年輕球員已展現出鬥志及體育精神。