【獨媒報導】足總今晚舉行足球明星選舉頒獎禮，但頒獎禮在有傳港隊主教練安達臣已離任的陰霾下進行。港隊成員羅梓駿向《獨媒》表示，今早得悉消息後，一眾球員和教練心情都有受到影響：「突然收到呢個消息，都有啲愕然，雖然呢場比賽一定會盡力去踢，但自己會有影響，所有嘅部署啊，因為唔知邊個帶隊，之後嘅比賽點樣。」
安達臣今早缺席港隊訓練，由助教盧斯爾督師。足總今午表示，明日將在何文田總部舉行記者會交代詳情。多名本身是港隊成員的球員今晚都有出席頒獎禮，《獨媒》向他們了解對安達臣或會離任的看法。
羅梓駿（資料圖片）
羅梓駿表示對消息感到愕然，指主教練即時離任的情況少見：「教練走喺香港嚟講都好平常，但係走得咁突然，仲要香港隊，仲要6號就主場比賽，仲要唔係友誼賽係外圍賽，都無乜太遇過。琴晚都係估估下，自己都諗住今日練波睇下見唔見到教練。」
陳俊樂稱突然 承認心情受影響
港隊中場陳俊樂則對《獨媒》，自己在Facebook 看到相關消息，承認心情受到影響：「當然有啲突然，因為係冇講過任何嘢嘅情況。集訓開始之前，教練都有搵我哋，問我哋狀態點，所以都嚟得好突然成件事，等佢交代一切。」
陳俊樂提到，港隊今早操練是由助教帶領，「主教練交帶咗啲訓練比助教帶我哋練」：「都冇辦法嘅，球圈都會係咁，呢啲情況球員都係做好自己，呢啲嘢都係不停會發生。」
胡晉銘感意外 承認遺憾盼安達臣有更好發展
另一港隊中場胡晉銘則向《獨媒》稱，同透過媒體才獲悉安達臣或會離任，對消息感到意外：「如果佢有更加好嘅offer，更加好嘅待遇⋯⋯當然佢嘅離開雖然係遺憾，但從佢嘅個人發展都係好positive 嘅嘢。」
不過，胡晉銘表示，今早港隊操練與平日大致相同，個人心情未有受到很大影響：「即係都係第一日返到嚟，同埋我哋比完賽，今日嘅訓練內容大致都係恢復為主。咁可能過埋嗰幾日，睇下係邊知in charge，睇下個體系同安達臣麾下係咪一樣理念，呢啲都要再睇。」
港隊早前已在世界盃外圍賽出局，將在下周四（6日）主場迎戰伊朗，在（11日）作客土庫曼，屆時將完成最後兩輪賽事。
記者：麥馬高、劉苑嫻
攝影：周頌謙