【獨媒報導】港隊晚上出戰乒乓球女子團體賽四強，被日本以場數3:0擊敗，將於星期四早上10時與德國對中國的敗方爭奪銅牌。教練李靜賽後稱可以發揮得更好，認為球員較保守，被日本「先手」主導比賽：「我諗睇多啲鬼片啦，膽生毛就有機會贏。」杜凱琹則對說法指「唔回應，冇嘢好講。」
在頭場雙打，港隊派出李皓晴及蘇慧音組合，但受制於石川佳純與平野美宇的「左右配」組合，直落三盤落敗，先落後一場。
now sports截圖
第二場為單打，由杜凱琹對上伊藤美誠。杜凱琹以9:11先失一局，教練李靜即向杜「教路」，又詢問「依家有咩問題？」杜凱琹稱：「唔係有咩問題，係唔知發咩波。」杜凱琹經指導後開局打出5:0，李靜即拍手高呼「好！做得好呀！」，並著「相信自己」。杜凱琹以11:9追回一局，但隨後兩局連輸以1:11及7:11，局數輸1:3，場數落後至0:2。
now sports截圖
第三場的單打賽由李皓晴對平野美宇，李皓晴首局追至10:10「刁時」，最後以10:12惜敗。李皓晴在之後再輸7:11及3:11。李靜在休息時曾鼓勵李皓晴不需多想：「夠膽你就fing出去，後邊打得好呀，4球你贏3球呀！」
左起：蘇慧音、李皓晴及杜凱琹
李皓晴在賽後訪問指，一直被日本隊控制前三板及節奏，希望在明日調整自己心態，並一度口誤指銅牌戰對手「好大機會係中國隊」，表現緊張。蘇慧音亦指打不出自己節奏，指自己出手不夠堅定，坦承「可能技術上唔夠人全面。」杜凱琹形容伊藤美誠打法多變，並認為即使銅牌賽對德國「都好下風」，「對方一個削球、一個左手、一個粒仔，呢啲都係我哋嘅短板。」