（獨媒報導）香港運動員在杭州亞運取得8金16銀29銅，共53面獎牌的佳績。文化體育及旅遊局局長楊潤雄在電台節目表示，當局過去五年持續增加體育發展的資源，並考慮投放更多資源到港人有潛質項目：「會唔會我哋都去考慮下，喺香港呢個環境，香港人嘅體質，會唔會有啲運動其實係好有機會，只要你俾足夠嘅資源，其實係培訓到㗎呢？我哋喺呢方面，都會再同業界傾下。」此外，楊潤雄希望繼續推動普及化，「多啲人參加體育，先可以喺裡面搵到精英」。
香港亞運代表團昨晚返港，獲當局在機場安排歡迎儀式。楊潤雄今早接受商台節目《在晴朗的一天出發》訪問，總結今屆亞運成績：「反映咗政府過去一路以嚟，以精英化、盛事化同埋普及化去推廣我哋體育係有啲成績。見到我哋呢幾年，都唔係淨係今一屆，其實我哋嘅成績係一路一路上。」
他表示，新增不同運動項目均獲得好成績，加上年輕梯隊運動員冒起，及賽場上的落力表現令人感到驕傲。
對划艇奪金最感動 同胞為港運動員打氣感覺非常之好
另外，楊潤雄表示，對香港今屆第一金即男子二人單槳項目最為感動，看到運動員林新棟、王瑋駿上岸後與教練、團隊的關係，反映對運動項目支援、其他人的支持及關心非常重要。他特別提到，國內同胞為香港運動員打氣，「其實感覺都係非常之好」。
在節目中，主持陳志雲向楊潤雄笑言：「你腳頭好喎。」楊潤雄回應稱：「呢啲係香港運動員努力啫，邊個做局長其實個結果都差唔多嘅我估。」
業界嘆有成績才可獲資源 楊潤雄：個餅就咁大啦
對於有業界慨嘆要取得成績才可以獲得資源，該情況會否有所轉變，楊潤雄就稱：「始終大家都要明白，政府資源都有限，個餅就咁大啦，分去唔同嘅政策範疇，跟住分落去體育項目，體育項目再分落去精英，精英再分落去邊一個項目呢？你需要一個制度喺度去處理，點樣去分一啲資源。」他指現時會按過往成績、曾參加的項目即世界性比賽、亞奧及奧運，以決定資源及培訓。
不過，楊潤雄表示，當局會考慮在公平、公開制度下，在個別一至兩個運動項目作試行計劃，「會唔會有個別一、兩個項目我哋覺得對香港人嚟講，我哋係比較有信心，或者係有機會？只要我哋俾多啲資源能夠做得到，咁我哋咪嘗試諗下喺嗰方面諗一下。」