【獨媒報導】亞洲七人欖球系列賽韓國站發生錯播國歌事件，立法會議員梁美芬對此表示遺憾及譴責，認為事件發生歸咎於低級工作人員失誤是不能接受。她提到播放國歌是非常嚴謹的事，如在韓國播錯國歌亦肯定會引起強烈不滿，促韓方嚴肅調查並向有關人員問責。梁美芬更認為，事件或牽涉更高層及管理人員「故意播錯」。

她促韓方認真徹查，以免影響香港與韓國人民交流的感情，更稱自己收到消息，不少港人原定聖誕節到韓國，但「見到佢哋犯咗啲咁低級錯誤，有啲都話取消行程」。

梁美芬提到，事件牽涉外交，本港作為中國人民一員，應表示強烈不滿。對於香港的欖球隊，指他們當時全程站立、無反應，反映球員水平及態度有問題，「應該無理由唔知道嗰個唔係自己嘅國歌，如果係真係唔知個水平就真係太低，相信外國人都知道嗰個唔係中國嘅國歌。我哋有國歌法、有國歌條例，好清楚就係一定喺公開禮議度，大家係好清楚。」她稱不明白為何可以讓歌曲完整播放，質疑運動員「唔覺得係啲乜嘢」，認為必須對此表示遺憾。梁美芬表示，自己十多年提倡一人一運動，支持體育發展，但亦期望運動員在獲眾多資源下「唔好令我哋失望」，而非提供平台予侮辱國家及特區政府，傷害與內地人民感情，「佢哋會睇到香港，點解嗰啲球隊嘅水平係咁低，又或者對於人哋侮辱自己國家嗰個反應係咁無所謂呢？」