【獨媒報導】港超聯轉會窗早前重開，前曼聯青訓產品、英格蘭中場查理史葛，在未獲傑志續約後，日前轉投印尼甲級聯賽球隊巴東。查理史葛向《獨媒》稱在感受過香港的天氣後，已不畏懼炎熱天氣，期望在新環境下有好表現：「 我揀印尼亦都係因為我想留喺亞洲發展，呢度嘅聯賽又咁啱好受歡迎，有好多球迷支持。」
現年26歲的查理史葛，在2020/21年球季來港加盟港超聯球隊愉園，並在該球季獲選為香港足球明星選舉「最佳十一人」及「球員之星」，及後球隊爆出欠薪，他更入稟高等法院申請愉園足球俱樂部有限公司
作清盤。
查理史葛在翌季轉投傑志效力至去季，季尾不獲「藍鳥」續約。印尼甲級聯賽球隊巴東周二（9日）宣布簽入查理史葛，雙方簽約一年。查理史葛對《獨媒》表示，對方留意自己已久：「巴東對我已經有興趣咗好耐，所以我好想透過加盟佢哋作為回報，同埋為佢哋帶嚟好成績。」
巴東Instagram圖片
在港效力期間，查理史葛曾一度未能習慣香港的炎熱天氣，今次轉到「更高層次」的印尼。查理史葛則稱充滿信心：「之前嘅我一定會話好擔心，但當我喺香港生活過之後，我覺得我會比以前更加適應到當地嘅天氣，不過當然都要再睇。」在巴東發布的相片中，查理史葛亦換上新形像，已將頭髮剃光，應對炎熱天氣。
另外，查理史葛上月與前東網港超聯主播胡恩晴結婚，他向《獨媒》確認，妻子會一同前往印尼生活，強調現階段盼以爭取表現作為目標：「我嘅目標係希望可以享受足球，好好表現，同埋幫球隊攞到好嘅成績。」