【獨媒報導】賽馬會菁英盃周日迎來四場賽事，標準流浪在經過半季後執位，在九龍灣公園大勝均業北區5：0，其中趙正宇梅開二度。另外，今場是中場林衍廷，隨港隊從卡塔爾亞洲盃回歸後的首場賽事，流浪已簽入多名新球員。林衍廷對《獨媒》表示：「返到嚟都唔知隊友叫咩名，唔知新外援叫咩名⋯⋯但OK嘅，重新認識吓隊友！但佢哋都有好嘅質素，要夾唔係好困難。」
流浪在下半季接近重新組軍，先有韓國後衛馬相訓早前離隊，朴鍾範、基奧雲尼及李毅凱先後與球隊解約，守門員梁興傑近日亦轉投深水埗。球隊早前簽入前港腳歐陽耀冲、韓國後衛崔佑在、日籍前鋒和田凌，及16歲小將馬榕生。另有杜國瑜從中甲球隊丹東騰躍加盟，此前已簽入尼日尼亞前鋒盧美菲亞、日本後衛林堂真。
兩隊派出後備守門員 北區正選僅兩名外援
流浪今場由陳冠燊把關，崔佑在、和田凌及林堂真都是正選，神田夢實、伊巴謙在前線衝鋒陷陣；林遼太、岡本玲仁今場則坐在觀眾席。北區起用張桂華出任正選守門員，兩名巴西外援柏度、韋法頓在後防壓陣，中場有隊長何振廷、羅曉聰、林樂勤及劉君正。
上半場由流浪先開波，兩隊在頭20分鐘都未有射門中目標，27分鐘，林樂勤左路遠射高出。31分鐘，神田夢實搶去對手皮球再起腳，張桂華撲出不遠，趙正宇門前補中射入，替流浪領先1：0。
35分鐘，神田夢實中路推進傳球，伊巴謙接應循右路禁區起腳被葉卓文閂出，該名喀麥隆前鋒再起腳抽射入網，流浪拉開紀錄至2：0。41分鐘，林衍廷傳直線，伊巴謙單刀射地波，張桂華接實，流浪半場領先兩球。在完半場後，兩隊職球員在返回更衣室前一度出現口角。
神田夢實狀態大勇 劉智樂窩利埋齋
在換邊後，北區換入馬圖斯、肯迪上陣搏殺，但未能扭轉局勢。61分鐘，神田夢實傳予左路的伊巴謙，後者盤球側身推過柏度，神田夢實接應勁射，比分改寫成3：0，該名日本翼鋒今場狀態大勇。69分鐘，神田夢實搶去葉卓文皮球，分予趙正宇。不過，趙正宇就略嫌太瀟灑，皮球在挑過守門員後斜出。
76分鐘，趙正宇左路先扭過葉卓文，再壓過羅港威，在張桂華出迎的時候射近柱入網，個人梅開二度兼為流浪射成4：0。流浪及後收起趙正宇、陳耀祖，由馬榕生及龍梓軒入替。83分鐘，伊巴謙右路出波省中北區球員，劉智樂「睇到定」窩利抽射，流浪贏到5：0，這是今場賽事的最終比分。
冀年輕球員在菁英盃有好表現 盧美菲亞試用期結束已離隊
被問到對半季後的執位是否滿意，李輝立賽後向《獨媒》表示，單憑兩場賽事難以作出評論：「上一場輸大大鑊，呢一場就贏返。長遠啲啦，菁英盃希望啲細路仔踢得好。想贏波，冠唔冠軍就仲有好大段路要做。」
至於季前定下的聯賽頭四的目標，李輝立強調目標沒有改變，「慢慢逐步逐步嚟」，指現時已完成補充人腳：「前面又搵，後面又搵，希望執返完整啲囉。走咗又填返，走咗又填返，班費都無乜點變。」另外，李輝立表示，盧美菲亞在一個月的試用期後已約滿離隊：「配合唔到隊波囉，聽佢講想去中甲𠻹。啱用最好⋯⋯希望球員前途好㗎嘛，好似李毅凱。」
李毅凱解約後向流浪致歉 李輝立：雙方和平分手
李毅凱早前向流浪提出解約離隊，但承認在處理轉會一事上做法欠妥當，向標準流浪會長莫耀強及李輝立致歉。李輝立對《獨媒》重申，雙方是和平分手，他特別提到：「其實有乜所謂呀？香港有幾多間球會呀，好似理文⋯⋯好多次，傑仔（徐宏傑）一次，今次一次，大家互相尊重之嘛。球員一定想去更高嘅層次㗎嘛，如果球會同我哋講，我哋無一個hard feeling 喺度。」
不過，李輝立指阿凱亦明白程序有錯：「我問佢係咪中甲。因為我哋訂明咗，季初嗰時簽係，唔想本地有競爭，無理由去東方、去南區嗰啲，你選擇去理文係好事嚟，咁大間會有錢請人，點解唔好？但好唔好真係尊重吓球會，同我哋講聲：『喂，我想要呢個球員。』」
至於從卡塔爾返港的林衍廷，他今場踢得十分生猛，他在賽後表示，在卡塔爾集訓適應了較快的節奏，「可能會有幫助」。談到下半季的目標，Fat Gor 表示會先做好自己，爭取每場賽事都取得勝利，「盡力踢好每一場波，其他嘢都係bonus」。
趙正宇梅開二度 盼港超聯爭更多上陣時間
今場射入兩球、17歲的趙正宇，他是拔萃男書院足球隊中場主將。趙正宇對梅開二度感到開心，「多謝神田肯俾個波我」，盼望能在港超聯爭取更多上陣時間，未來會以踢職業足球為目標。
此外，趙正宇留着一頭秀髮，他就稱：「唔好學⋯⋯壞學生先咁樣。其實（學校）唔俾，只不過，由中一入去就係咁，我成日唔理佢。」
在今場賽事後，流浪在菁英盃B組7場4勝2和1負得14分，排小組首位，北區7場4勝2和1負同得14分，因得球數字不及流浪排第二。
記者：麥馬高、周頌謙