【獨媒報導】菁英盃周三（9日）晚上在旺角大球場上演獨腳戲，冠忠南區「激戰」港會，在兩度遭對手追和下，由隊長杜度在補時階段的入球，險勝3:2。冠忠南區主教練鄭兆聰就對《獨媒》表示，球隊「好知埞」，「我哋係南區，唔係班霸，當對手唔係好多埋門，我哋有一個優勢最尾贏就足夠。我唔係嗰啲⋯⋯覺得球隊高人哋幾班，我應該要贏幾多球，No！最緊要就係盡量唔好失波，同埋可以製造機會，控制場波。」
今場菁英盃分組賽，是兩支球隊在兩周內再次交手。港會今場由馮朗軒把關，汪雙財、李小恆、蕭嘉明及里奧均正選上場，上場梅開二度的福保羅先任後備。南區則強陣出擊，杜度、川瀨浩太、基斯及艾華壓陣，佐佐木周賽前受傷，改由史提芬彭利拿代替上場。
港會近日狀態大勇，在剛過去的周日（6日）便反勝菁英盃同組對手和富大埔。雖然港會在4日內兩賽，但球員未見疲態，上半場初段一度與冠忠南區拉成均勢。
史提芬彭利拿臨危受命先拔頭籌 麥美倫冷箭追和
21分鐘，謝朗軒右路傳中，史提芬彭利拿禁區內「分波」予艾華，後者再傳回「肥彭」，他乖巧射向近柱，馮朗軒轉身「睇住個波入網」，冠忠南區領先1:0。
29分鐘，港會的麥美倫在大禁區外發難，左路放冷箭射向近柱，伍瑋謙欲救無從，港會追成1:1。33分鐘，謝朗軒禁區內侵犯李小恆，球證胡春星直指12碼點，里奧操刀射斜出界，港會錯失反超前的大好機會。
39分鐘，艾華盤球沿右路推進，三名港會球員「包圍捕捉」他，峇夏比最後犯規撞開對方，球證向峇夏比出示黃牌。
冠忠南區半場安排另一U22球員游卓峰，入替盧錦宏。57分鐘，謝朗軒右路開罰球，史提芬彭利拿門前頂入，個人梅開二度，替球隊再次領先。
翟廷峰兩黃一紅 里奧頂入一度追和
62分鐘，翟廷峰擲界外球，被指拖延時間遭罰黃牌。63分鐘，港會的福保羅、溫俊入替莊馬仕及峇夏比。
65分鐘，冠忠南區換入劉學銘及簡嘉亨，74分鐘港會再有基奧入替麥美倫，惜未能替球隊追和，史提芬彭利拿76分鐘傷出，由李嘉耀入替。80分鐘，福保羅右路進攻，遭陳傲軒貼身緊纏，福保羅不耐煩推開對方，被罰黃牌。85分鐘，翟廷峰領第二面黃牌，兩黃一紅被罰離場。86分鐘，港會左路一次角球，里奧接應蕭嘉明傳送，頂入追成2:2。
劉學銘頂贏基奧成關鍵 杜度門前篤入
在補時階段，冠忠南區再憑角球取得入球，陳凱柏左路開角球，劉學銘頂贏基奧，皮球跌到杜度腳下，他在門前篤入，為球隊保住三分。
另外，冠忠南區守門員教練范俊業在賽前及半場均安排攝錄機，對準伍瑋謙拍攝其比賽片段。今場比賽共有373人入場，港隊主教練安達臣亦有入場觀戰，但他在82分鐘便離開，未能見證最後兩個入球。
鄭兆聰指球隊表現有改善 「港會暫時嚟講都幾好」
在比賽後，冠忠南區主教練鄭兆聰表示，球隊表現已較上一場有改善，「都係睇你點睇啦，如果我哋尊重對手，佢哋都有佢哋嘅優點嘅，我覺得下半場我哋控制大局，佢哋都無乜射波，當個紅牌出現，麻煩就嚟啦。」
冠忠南區在10月30日的港超聯賽事中，遭港會迫和0:0，今場終於取得勝利。鄭兆聰就認為，球隊今場表現不俗，「至不過唔知點解攞咗紅牌，我都唔知點解，嗰十幾分鐘真係困難。」
對於港會已成為黑馬，鄭兆聰指港會今季「踢佢哋家波，今年佢哋有咁嘅人腳，暫時嚟講都幾好，我諗所有球隊都要準備作客去港會嘅時候踢。」
記者：麥馬高、周頌謙