【獨媒報導】旺角場周六迎來港超聯前列戰，理文在易帥後小勝傑志1：0，仍有機會衛冕冠軍。理文會長李文恩在賽後承認，因為球隊要出戰亞洲賽，所以過分追求具履歷的球員，承認組軍方向「定錯咗少少」，認為球員「當fit 踢最緊要」，並讚賞暫代主教練朱兆基善用球員優點。他向記者預告，理文來季將進一步年輕化：「無論咩結果都好啦，希望可以平衡返成績同新球員出嚟。」
理文日前季內第二度易帥，賀蘭特繼曾昭達後亦離任，球隊再次由助教朱兆基出任暫代主教練。理文出場名單的暫代主教練則是司徒文俊，球隊今場排出接近433陣式，黃俊皓任右閘，艾華頓、安尼亞及羅沙前線攻堅；會長李文恩坐在貴賓席觀戰。
傑志近況好轉，上場大勝北區保持爭標機會。「藍鳥」今場正選續盡用6外援，包括迪美路夫、馬查度及利亞倫。由於林樂勤停賽，羅梓駿今場任左閘。此外，中國香港大專體育協會足球比賽的季軍、冠軍戰都因天雨改期，潘沛軒、陳傲軒及甘智健今場都出任後備。
祖連奴傷出 半場互交白卷
上半場戰情未見緊湊，理文稍為佔優，18分鐘，黃威送前，安尼亞勁射被泰利救出。20分鐘，保利臣突破入禁區，黃威施射又逃不過泰利十指關。28分鐘，傑志換入陳傲軒，祖連奴有傷被換出。
32分鐘，迪美路夫侵犯艾華頓被罰黃牌，兩隊半場互交白卷。下半場換邊，兩隊仍頻頻斷纜，61分鐘，立花稜也掃跌馬查度，球證黃偉倫出示黃牌。64分鐘，立花稜也推順起腳，泰利再次擋出。
艾華頓打破僵局 安尼亞食詐糊
戰至66分鐘，保利臣中路發難傳予右路，艾華頓接應右腳輕鬆射入，皮球在泰利手邊溜入，現文領先1：0。在打破僵局後，兩隊進一步放開踢。69分鐘，理文收起黃威，換入顏樂楓。
72分鐘，理文把握一次反擊保利臣後防左路策動，裵栽釪遭艾華頓迫甩，後者交出橫傳，安尼亞在無人看管下射入。不過，球證黃偉倫在親自翻看視像助理裁判片段，裁定犯規在先，理文入球無效。
球證兩度翻看視像助理裁判片段 李毅凱續惹火
76分鐘，費蘭度右路處理角球，迪美路夫分往右路，顏卓彬遠柱二傳，迪美路夫力壓泰法蘇尼頂入。然而，球證黃偉倫要再一次翻看視像助理裁判片段，裁定入球越位在先，保利臣及李毅凱則分別因投訴過激，及不君子行為先後被罰黃牌。
83分鐘，李毅凱被換走，理文換入余煒廉。今場賽事不乏火藥味，86分鐘，胡晉銘飛剷馬查度，又吃了一張黃牌，理文最終小勝1：0。
李文恩：精神面貌同過往幾場有啲唔同 指朱兆基善用球員優點
今場入場人數為1,147人，艾華頓成為今場最佳球員，一眾理文球員在賽後顯得興奮，理文首席營運官周文健更激動落淚。在比賽後，李文恩到草地向記者交代球隊近況，他稱對球隊「有好結果」感到高興：「贏波梗係開心啦，我相信精神面貌同過往幾場有啲唔同。」被問到其口中的「不同」，李文恩認為因為換了主教練：「有啲新嘅作風啦，陣容會有少少唔同。始終朱sir喺度做咗一段時間，對球員好熟悉各自特點，有咩係好，有咩係唔好，佢善用球員優點去做呢場波。」
記者問到是否原任主教練賀蘭特不熟悉球員特點，李文恩就稱「唔想批評人哋啦」：「因為都過咗去啦。」記者追問賀蘭特離隊的原因，是否因遭冠忠南區迫和，李文恩稱「到最後唔想大家唔開心」：「好坦白講，理文今年組軍，坊間會話我哋做錯唔少決定。亦都真係啦，亦都送咗啲外援。」他表示不希望在季尾「帶着一個悔恨嘅心離開呢個球季」，盼球員明白其付出有價值。
朱兆基來季坐正？ 李文恩：朱sir得B牌
談到今季目標，李文恩稱「一場一場咁踢」、「踢波唔會想輸波㗎嘛」：「每個球員為自己而戰啦，盡力去踢。」他認為現階段不會追求任何成績，只希望球員發揮最大能力：「大家和和氣氣，希望有好結果啦。」
在賀蘭特離任後，朱兆基將會出任暫代主教練到季尾，記者關注朱兆基來季是否有機會「坐正」。李文恩稱「真係唔知呀，今季都未完」、「因為朱sir得B牌」但透露來季將進一步年輕化：「無論咩結果都好啦，希望可以平衡返成績同新球員出嚟。」
承認「上咗頭」 李文恩認為「當fit 踢最緊要」
理文今季兩度易帥，並與今季才加盟的外援夏馬特、馬天尼斯解約。記者問到球隊季內最大問題，李文恩就自言「我都上咗頭啦」：「覺得要有啲好嘅CV，踢亞冠二呀嘛，係咪要有啲好嘅CV，即係所謂嘅夠班。」
不過，李文恩補充稱「足球嘅嘢，最緊要你當fit 踢最緊要」：「夠唔夠班係好次要，就算你叫啲世界巨星退役咗一段時間，佢都未必適應得到。」他更承認，理文今季的組軍方向「定錯咗少少」。
喚球員先聚焦對傑志、大埔 朱兆基：球員決心最重要
朱兆基則稱十分熟悉一眾球員，球隊今場其實變化不大，並沿用原來的戰術：「今年轉、轉、轉，球員角度佢哋可能會諗好多周邊嘅嘢。」他表示，早前已勉勵球員先聚焦聯賽對傑志、大埔兩場賽事：「如果真係贏到呢兩場，我哋機會好大，事實球員都係好搏命。」
對於再次出任暫代主教練，朱兆基稱給予球員的指示就是「跑啦」，因為戰術及部署已經大半個球季，陣容變化不大，強調球員決心最重要。他承認球隊一定有壓力，何況理文是爭冠球隊：「如果你享受每一場波，大家唔好怪責大家，呢個緊要。我諗唔係淨係我啦，你哋都睇到啦，上半季好多球員之間都嗌交。」
朱兆基明言要奪冠 認為今場或成轉捩點
朱兆基認為當球隊不順利的時候，自然有怨言，但希望球員能轉化正能量：「今晚贏，佢哋都唔係為我咁偉大囉，佢哋都係自己、為個會。」他最後明言，今季目標是贏港超聯冠軍：「你問我，踢波幾時都想贏，今日場波可能係轉捩點，如果贏到落去，香港嗰個士氣都好緊要。」
在今場比賽後，理文16賽11勝2和3負得35分，排積分榜第三，傑志則17賽9勝5和3負得的32分排第四；大埔與東方明午則上演榜首大戰。