【獨媒報導】港超聯在復活節假期上演賽事，深水埗作客斧山道運動場3：1擊敗香港U23，取得今季第二場聯賽勝仗，升上第九位。《獨媒》問到深水埗今季目標，深水埗主教練陳浩然劍指中游：「希望每一隊波⋯⋯都唔係唔好覺得係攞唔到分，對傑志又好，理文又好，對其他強隊都好，我相信我哋會係攞到分。」
蘇沙先任後備 深水埗先開紀錄
今場被視為下游大戰，兩隊今季首循環交手踢成2：2。香港U23今場陣容變化不大，雲天樂任守門員，梁煒烽、林學曦、鄭進泓、郭子堦及林智豐都在正選名單。深水埗由梁興傑把關，正選用上馬高域兄弟、宋柱浩、小田倉康太、拿亞及鄧嘉，顏卓彬任隊長，蘇沙先任後備。
上半場初段，兩隊互相試探，惟球場草地質素欠佳。7分鐘，波比右路斬入禁區，鄧嘉力壓梁煒烽頭球攻門，但未能命中目標。
18分鐘，深水埗左路角球，小田倉康太開短傳予顏卓彬，後者回傳雲尼馬高域，他大腳送入禁區，鄧嘉遠柱接應頂中楣，艾雲馬高域快郭子堦一步補中頂入，不過足總網站就顯示，入球球員為鄧嘉，深水埗領先1：0。在失球後，鄭進泓一度向球證鄧慶富投訴：「佢（旁證）話越位呀！」
宏愷志擺烏龍 林學曦下半場入波追近
33分鐘，深水埗在左路再次獲得角球，小田倉康太今次斬近柱，宏愷志與鄧嘉爭奪皮球，前者在受壓下批後「擺烏龍」頂入自己龍門，深水埗擴大紀錄至2：0。司徒文俊多次顯得十分勞氣，喚「前啲、前啲」。
下半場換邊，香港U23換入黎皚韜、李卓軒，收起宏愷志及羅焯熙，深水埗多次利用過頭波，沿兩翼進攻。57分鐘，蘇沙入替顏卓彬。63分鐘，林智豐左路入楔出波，鄧子均「拉都拉唔住」，林學曦門前第一時間撞入，替香港U23追成1：2。
林學曦射失十二碼 宋柱浩拉開距離
香港U23及後傾力反撲，75分鐘，鄧子均手球，鄧慶富在翻看視像助理裁判片段後，裁定鄧子均手球，直指十二碼。林學曦操刀，但竟中楣彈出，香港U23錯失追和機會。在射失十二碼後，林學曦在原地發呆，久久未能言語。
主隊入波不成，反而再失波，81分鐘，小田倉康太右路處理罰球，拿亞頭槌二傳，宋柱浩接應起腳破網，替深水埗拉開比數3：1。梁興傑其後勉勵隊友：「Fight until the end！Together 呀喂！」在聽到補時為7分鐘後，梁興傑就大喊：「唉，X你老母，快X啲踢埋啦，7分鐘！」深水埗最後3：1擊敗香港U23，取得今季聯賽第二場勝利。
陳浩然盼取目標分數 要習慣「領先嘅情況點樣踢」
今場入場人數為216人，宋柱浩成為今場最佳球員，YouTube頻道試當真成員許賢都有入場。深水埗連續兩季在季中易帥，陳浩然在去年11月上任，在1月簽入舊部、來自巴西現已取得特區護照的蘇沙。
陳浩然表示，球隊上半場踢得很好，成功踢出部署：「死球都做到⋯⋯好過練波𠻹，我哋練波都未必入到。」他又透露，已對深水埗球員定下要求，取得目標分數，並且有信心做到。
不過，深水埗在今場下半場一度受壓，陳浩然認為球隊要習慣、開始有經驗「領先嘅情況點樣踢」，幸好最終取得勝利，不然會令球員有心理壓力，不懂應對領先的比賽：「因為我哋好多時都係落得，嗰道氣去追返佢。領先之後，啲球員開始⋯⋯真係要知⋯⋯。」他表示：「我相信下半季，好多時間我哋都有機會會領先，希望大家領先情況之下，點樣去應付。」
曾喚蘇沙改變踢法 陳浩然：佢嘅任何嘢都可以幫到隊波
被問到蘇沙今場先任後備，是否球隊戰術部署，陳浩然稱球隊有不同部署，例如在領先的時候欲擴大比數，或落後的時候欲爭取入球，「有個球員出到嚟可以改變戰局」。
陳浩然又提到，蘇沙已不是昔日南華的他，而球員年紀漸長，難免要改變踢法：「我同蘇沙傾過呢個問題，我話你唔係以前攞住個波廿碼落去嗰個，要用自己經驗保持個波，用自己射術，佢都要時間去改變。佢一出嚟踢就嘭嘭聲⋯⋯佢想㗎，但年紀真係令到佢去唔到呀嘛。佢嘅經驗、射術、出波，任何嘢都可以幫到隊波。」
至於深水埗今場由鄧子均客串左閘，陳浩然就指其在對中超球隊深圳鵬城的友賽出任同一位置：「佢踢得好好，令到我有信心擺佢。我又想有兩邊嘅長界外球，子均亦都掟到，波比又掟到左右。」他認為，雖然鄧子均今場一度犯錯，但球隊成功取得勝利，所以是很好的學習機會。
司徒文俊指球員下半場已盡力 對球證執法有微言
而香港U23則在今季聯賽仍未打開勝利之門，繼續排在包尾。對於在射失十二碼後遭對手再入一球，主教練司徒文俊就表示，球員在下半場已盡力：「十二碼入唔入無得好講嘅，唔入係可惜嘅。」
不過，司徒文俊承認，球隊失第三球非常「攞命」，亦對球證今場的執法尺度有微言，質疑無視客隊的粗暴行為。
記者：麥馬高、周頌謙