【獨媒報導】新一季港超聯下周六開咧，標準流浪今早拜神及見記者，今季班費維持不多於700萬，其中前港隊成員林學曦今季重返流浪，成為焦點之一。林學曦表示，每場均會爭取好表現，協助球隊爭勝，「當然想踢港隊，每一個喺香港踢緊波嘅人，都希望入選香港隊。我希望幫到香港隊入波。」
現年30歲的林學曦去季轉投丙組荃灣，今季崔護重來，與林嘉緯、林遼太及林衍廷將組成「流浪四林」。林學曦表示，早前亦有觀看港隊亞洲盃外圍賽的直播，「都踢得相當好睇，壓迫打法囉。我自己體能弱嘅話，有機會都要加強返。」
林學曦：都係好掛住想落返去球場
曾以22歲之齡外流，效力印尼佩斯查的林學曦，曾被不少教練看好。林學曦表示要加強訓練速度和力量，又提到「喺呢一年裏面，發覺自己都仲想踢，仲想喺一個有競爭底下去踢，希望爭取好成績。」在記者追問下，林學曦有感而發稱，「喺呢個年齡，又未至於要退，又覺得自己有能力喺球隊佔一席位，喺頂級聯賽都可以有好表現。嗯，一嚟小朋友出世，都想試下其他方面嘅嘢，因為當時想法係，唔可以好耐囉運動員。但過咗一年，都係好掛住想落返去球場，所以咪踢返。」
標準流浪總監李輝立透露，林學曦去年離隊搞生意，目前已安定下來，與球隊商量後決定復出，「睇到佢係有能力嘅。乜嘢令到佢出返嚟踢？見到香港隊咁都無一人入到波，試下我出返嚟可唔可以。」
左起：李輝立、莫耀強
重返斧山道運動場 李輝立冀發掘更多年輕球員
港超聯今季「復常」增至十隊，加入大埔及深水埗兩支區隊，標準流浪的主場重返斧山道運動場。李輝立表示，今季希望能發掘更多年輕球員，指其他球隊不重視青訓，有球員踢完U18後加盟流浪，目前已有7至8名球員獲合約，「咁多年嚟我哋最重視都係，自己嗰班年青人邊個踢到上嚟。」
李輝立強調，一眾教練均希望衝上前四，期望在首戰硬撼理文後，與其他同級球隊比賽時可以較輕鬆，「理文同傑志就班霸，另外幾隊有機會挑戰到佢哋」，目標在東方龍獅、冠忠南區及和富大埔身上搶分。
至於盃賽方面，李輝立指出，標準流浪將在菁英盃派遣更多年輕球員上陣，「銀牌就比賽場數唔夠，加落去，大家都唔係好重視，足總盃就有亞協資格，可能爭持得激烈啲。」對於香港球會或有機會2+1，即最多三支球隊參加亞冠盃，李輝立則稱隨緣，「踢到個名次出嚟，老闆都會支持嘅。」
李輝立又透露，如果足總盃奪冠，會長莫耀強將自掏腰包80萬作奬金。他表示，球隊每年在控制經費上不俗，「年年都唔多咁上下（不多於700萬）。」
賴嘉輝
賴嘉輝對球隊陣容感滿意 爭入盃賽決賽
標準流浪今季沿用多名外援，包括祖連奴、費蘭、奧力斯等，並簽入巴西前鋒大衛巴拉，他早前已為球隊在東南海盃上陳，三名小將馬文政、呂卓芹和陳耀祖加盟，同時將球隊U18成員陳冠燊、楊學敏提升至一隊。此外，基藍馬將要停賽六賽，球隊今早宣布簽入巴西中堅賈思浩，曾為巴西U19國家隊成員。
巴西中堅賈思浩
教練賴嘉輝對球隊陣容感滿意，重申球員要習慣贏波，挑戰前四，並嘗試爭取殺入盃賽決賽，「每一季都唔可以原地踏步，每一季慢慢去加強。」