【獨媒報導】港超聯周日上演地區打吡，均業北區主場落後兩球的情況下，下半場末段3分鐘連入兩球，一度追和至2：2。九龍城最後憑許嘉樂在補時階段入波，奠定3：2的勝局，取得港超聯首場勝利。這亦是該名30歲的「老將」，自2019年後再次在頂級聯賽入球，許嘉樂在賽後稱很開心：「我5年無踢⋯⋯我離開咗職業球圈5年，我無諗過我有機會幫球隊贏波。我淨係希望，每一次落到場有機會就盡力去做。」許嘉樂現時同為東方青年隊教練，他稱常常勉勵年輕球員：「無論任何時候都唔好放棄，你唔知會唔會有一個機會，要做好預備。」
均業北區周三不敵東方，今場回到主場，羅曉聰、羅港威及肯迪復任正選，與巴西外援古杜拉、舒拉普攻堅。九龍城開季連輸兩場，在港超聯不敵大埔，高級組銀牌負冠忠南區出局，今場有曾錦濤、廸高及李瀚灝三名老將壓陣，配合邵昀俊、嚴啟倬及何瀧浩等小將。
尼天奴表現活躍 北區烏龍球落後
上半場，九龍城的巴西外援尼天奴表現活躍，9分鐘，此子右路操刀罰球，皮球觸及肯迪再直飛入網，龐焯熙「得個睇字」，九龍城領先1：0。戰至18分鐘，嚴啟倬後場漏踢，羅港威近門起腳，幸好有韋利好護空門。
33分鐘，曾錦濤大腳送上前，何瀧浩接應傳中，卡朗門前頂入，替九龍城拉開比數至2：0。北區在落後下傾力反撲，但傳控的踢法未能為球隊帶來優勢。上半場補時階段，尼天奴右路發難，卡朗接應回後，林學曦起腳，龐焯熙勉強撲出底線，北區半場落後兩球返入更衣室。
下半場換邊，47分鐘，九龍城施以同一技倆，尼天奴右邊傳波，卡朗接應盤球推過羅曉聰勁射，但未能命中目標，龐焯熙不禁大叫：「睇住啦，X你老母！」54分鐘，龐焯熙衝出禁區用頭解圍，皮球落入何瀧浩腳下，他快步笠射，皮球眼看快要入網之際，北區有基拿美護空門清走皮球。
北區下半場連追兩球 何振廷領球隊反撲
70分鐘，後備入替的何振廷帶領球隊反撲，他分予右路的波比，後者出地波，朱偉鈞撞射先省中李瀚灝再省中自己。74分鐘，尼天奴右路爆過葉卓文，可惜卡朗門前踢高。79分鐘，朱偉鈞傳予何振廷，後者再送到遠柱，古杜拉快步搞掂，追成1：2。
說時遲，那時快，81分鐘，舒拉普遠射被李瀚灝撲出，波比補中起腳，李瀚灝甩手，肯迪立即衝前射入，替北區追成2：2。不過，好戲在後頭。93分鐘，鄭進泓右路開罰球，韋利安起腳，皮球落入許嘉樂腳下，他射入替九龍城反先3：2，這是今場的最終比分。
迪高成今場最佳球員 許嘉樂：入呢球波好幸運
今場入場人數為230人，迪高成為今場最佳球員。許嘉樂在比賽後表示，本身有傷在身，後備上場希望能參與更多防守：「入呢球波好幸運，喺呢段時間訓練，我哋教練團成日話，要有足夠球員入禁區，唔好放過任何一個機會。」
現年30歲的許嘉樂在東方出道，曾先後效力流浪、理文及大埔等球隊。大埔在2019/20年球季因欠薪自降，許嘉樂亦因此離開職業足球，輾轉效力甲組聯賽的深水埗及九龍城，今季以助教兼球員身份重返港超聯。
被問到北區一度連追兩球，許嘉樂稱是「大心臟」：「真係好耐無經歷過，要多得成班隊友嘅努力，教練團好努力。」他透露，九龍城在首兩場比賽落敗後，教練團努力修正，希望外界給予更多耐性。
許嘉樂：重返職業足球盼帶動年輕球員
而許嘉樂對上一次入波，正正已要數到2019年，該季正值大埔半季散班：「我後先都忍唔住，好激動，因為對我嚟講好具意義。」許嘉樂自言，重返職業足球，是希望帶動年輕球員：「我唔係好叻，但我希望可以將教練學嘅嘢，幫到大家。」
在比賽後，九龍城主教練陳銘剛則顯得淡定：「咩都可以發生，贏、輸、和都可以發生，只不過嗰刻要準備啲咩。」不過，陳銘剛表明，在遭追兩球後對球員表示「我要贏波」，並換入具活力的球員。
陳銘剛：給球員十分 重申足球風格最重要
《獨媒》問陳銘剛今場給予球員多少分，他就想了想說：「十分，贏波，十分！」陳銘剛認為，贏波的意義在於球隊有好的開始，而贏波亦是最大的獎勵。談到九龍城今場的部署，陳銘剛認為是成功，但指仍有改進空間。
被問到九龍城的定位，陳銘剛重申排名並非球隊首要，足球風格才是最重要：「人哋知道我哋做緊啲乜，good 嘅result係come from good嘅performance，如果定下一啲太不必要嘅定位，對自己、球員都有壓力，倒不如透過呢個空間、平台去建立新嘅嘢，令大家入場覺得，睇波係賞心悅目嘅事。」
至於如何令一眾老將演出具活力，陳銘剛就認為要提醒他們的初心：「每個人都要諗呢樣嘢，點解咁辛苦返出嚟踢波，揀繼續做足球呢個行業？就係因為你鍾意，你喜愛。」