（獨媒報導）渣打香港馬拉松今早清晨開跑，多名藝人亦有參與賽事，藝人周潤發就首次參加10公里賽事。在完成賽事後，被問到會否考慮轉戰半馬或全馬，發哥就笑言10公里已足夠，「遲幾年先，等我大啲先，而家仲細」。
67歲的周潤發向來熱愛運動，今次是首次出戰10公里賽事，他一如平日穿上一身黑衣。發哥在東區走廊的起點起跑時向記者揮揮手，笑容燦爛，在維園的終點則被不同跑手「集郵」合照。
在完成賽事後，周潤發笑容滿面向記者表示，愛上跑步所以參賽，備戰了約一年，去年也有跑越野賽，但就指「街好玩啲」，形容「好熱鬧、好多人、好開心，沿途都好多人同我打氣」。至於之後會否挑戰半馬或全馬？他就笑言10公里已足夠，「遲幾年先，等我大啲先，而家仲細」。
On仔、釗峰同跑10公里 有粉絲守候
C AllStar 成員陳健安、梁釗峰亦參與了10公里賽事。陳健安表示，平日晚睡的自己只睡了約三個小時，根據電話記錄跑出了約52分鐘的成績，較目標的58分鐘更快，「可以有呢個成績超開心」。On仔亦提到，今日較想像中跑得舒服，有風亦有微雨，不會太冷。釗峰則指，昨晚睡得不太好，「有種小學要去旅行嘅感覺」。
C All Star 成員梁釗峰、陳健安
二人亦提到，賽事中途不時見到有粉絲守候，更有人直接參與其中一齊跑。陳健安笑言，自己有放慢腳步，讓對方拍片留念。被問及會否挑戰全馬，On仔笑言「之前挑戰過半馬，暫時呢刻我覺得夠啦」。釗鋒表示，以往都是獨自挑戰半馬，「要準備晒所有嘢，今日個孤獨感少咗好多」。
另外，歌手湯令山、張蔓姿、商台節目主持人余德丞及前主播柳俊江亦有參賽。
湯令山、張蔓姿
蔡思貝跑半馬 盼人生可跑一次全馬
無綫藝人蔡思貝則參加了半馬賽事，她指自己原本無打算參賽，「因為覺得自己好似唔係好fit 咁樣，都無乜信心，最後都係咬緊牙關，覺得要挑戰吓」，遂為備戰了2個月，期間更隔天練習。雖然創下個人最佳成績，蔡思貝就覺得仍可做得更好，並指人生仍希望能跑一次全馬。
