圖片來源：港協暨奧委會
【獨媒報導】港隊羽毛球代表李卓耀出戰巴黎奧運，在羽毛球男子單人項目未能晉級淘汰賽。李卓耀在去屆被疫情打亂部署，未能取得奧運資格，今屆在分組賽行人止步，他在賽後承認「遺憾一定大」，但強調不會以賽果定人生成敗，已為下屆奧運作準備：「我覺得呢個係我唯一機會去表現自己，上屆攞唔到，我唔開心咗一個禮拜，就算今次奧運贏或者輸都好，都唔代表我嘅去路係成功或者失敗。」
27歲的李卓耀現時男單世界排名第17 ，他上屆被新冠疫情打亂部署，未能取得東京奧運參賽資格，今次是他首次出戰奧運。今場對手是12號種子、中華台北選手周天成，他在上屆東京奧運殺入八強，不敵該屆銀牌得主、中國的諶龍，他在去年初患上大腸癌，經切除手術後已康復。
圖片來源：港協暨奧委會
不敵中華台北周天成 李卓耀認比賽期間緊張
在今仗之前，兩人均已擊敗同組的墨西哥選手，比賽勝方即可晉級16級。在第一節，李卓耀一度追至7：7平手，周天成一度拉開到14：9，李卓耀曾連追5分追近至17：16，周天成最終以21：19先拔頭籌。在第二局，雙方體力均下降，周天成再打出一節17：11，最後以21：13取勝，總比分2：0勝出。
在比賽後，李卓耀先接受《無綫電視》訪問，指克服壓力、緊張是每名運動員都要面對的事情，但正正是自己的弱點：「一緊張就好似打唔到自己嘅打法，或者比人感覺好衝動、好急躁去打。經過今次呢個奧運，日後無論咩比賽都好，都要喺呢方面進步。」
圖片來源：港協暨奧委會
對於上屆失落參賽資格，李卓耀強調當時亦只「唔開心咗一個禮拜」：「雖然呢個係奧運，四年一次，但其實都係人生嘅一個比賽，今次成功或者失敗都好，唔代表一切。我宜家輸咗，都唔代表我之後會輸。」被問到今場的打法，李卓耀就認為在高水平賽事中，戰術已非首要，控制心態更為重要。
TVB YouTube截圖
港隊隊友問今場發揮如何 李卓耀一度情緒激動
《無綫》客席主持、港隊羽毛球代表陳延澤問到李卓耀，今場發揮得如何。李卓耀一度情緒激動，及後更落淚：「我覺得⋯⋯由自己比人睇唔起到宜家，自己細個，人哋對我嘅態度、主觀好重，覺得我成日偷懶。但為咗呢個奧運，自己好多嘢都改變咗。」
李卓耀及後接受港台、ViuTV及HOY TV訪問，形容「唔可以講滿意自己表現」：「由自己被人睇唔起開始，到宜家呢個階段，覺得自己可以做好啲。自己嘅毛病或者由以前到宜家嘅缺點，仲未有好大嘅進步，或者穩定性。」
HOY TV 截圖
李卓耀：冀藉奧運舞台證明實力 學好控制個人情緒
被問到是否情緒起伏太大，李卓耀稱一直給予自己太大壓力，並受影響環境影響：「太想證明比人睇⋯⋯趁一個咁大嘅舞台，可以證明比人睇。比賽前嚟呢度我同教練講，呢個係我唯一一個機會，證明比人睇李卓耀⋯⋯」然而，李卓耀未說完，便已遭ViuTV記者的饒家輝打斷，後者再問李卓耀今場遇到的最大困難。
李卓耀認為是賽前準備，重申打法在大賽中相對不重要，最重要是學好控制個人情緒。在昨日的比賽中，李卓耀與墨西哥對手打足三局，他表示已「無諗咁多」，賽後已即時休息及復原。他最後提到，有信心透過訓練、比賽在下屆奧運爭取好表現。