圖片來源：港協暨奧委會
【獨媒報導】21歲港隊羽毛球代表盧善恩首次出戰巴黎奧運，在羽毛球女子單人分組賽兩連敗出局。盧善恩在賽後接受訪問時，被問到首次出戰奧運的感受，她一度哽咽說：「係開心嘅，但我想再做好啲⋯⋯我覺得我仲有好多進步空間⋯⋯我希望我下次比賽可以再好啲。」盧善恩表明會繼續努力，爭取在其他巡迴賽事入前四，並拉近與對手的距離。
現年21歲的盧善恩，已是香港羽毛球女單首席球手，她在早前首場分組賽不敵巴西對手，今場面對11號種子泰國對手賈通，直落兩局14：21、9：21落敗。盧善恩在賽後先接受《無綫電視》訪問，她表示未能達到自己的要求，在場上多次想辦法破解對手打法，但無奈在能力、速度未夠成熟：「仲係未夠好去對抗呢個對手。」
圖片來源：港協暨奧委會
被問到在賽事中表現較好的地方，盧善恩指奧運是大型比賽，今次參賽能夠讓其感受大賽氣氛：「係一個好好嘅開始，比我去感受吓咁大型比賽嘅氣氛，同埋可以對我之後嘅比賽有幫助，經歷咁大嘅比賽之後，打嗰啲巡迴賽，可以慢慢去進步。」
TVB Facebook截圖
接受無綫訪問 盧善恩一度用毛巾掩面哽咽
《無綫》記者問盧善恩，今次奧運之旅雖然未能再行前一步，但是否如同其英文名Happy，充滿難忘開心、回憶。盧善恩情緒一度未能平復過來，她要用毛巾掩面，及後再哽咽說：「係開心嘅，但我想再做好啲，我覺得我仲有好多進步空間，我希望我下次比賽，可以再好啲。」
盧善恩及後再接受港台、ViuTV及HOY TV訪問，她指首次參與大型賽事，從中吸收了不少經驗：「啲觀眾、環境都好唔同，同我之前打嘅比賽。同埋我覺得呢個係好好嘅開始，可以對我日後其他巡迴賽，可以令我之後打嘅比賽更加有進步。」
盧善恩：需提升速度、力量、技術及心態 感謝市民支持
被問到要如何改善，盧善恩就認為自己的速度、力量、技術及心態都需要提升，才有機會更上一層，成為頂尖運動員。談到今場的發揮，盧善恩指自己在速度上與對手有距離：「我想盡量救返個波先，如果用戰術，都未必用到，我唔係好跟到佢啲速度。」
圖片來源：港協暨奧委會
盧善恩最後表明，希望繼續提升世界排名，參加其他更高級別賽事：「希望其他巡迴賽可以入到前四。」 她最後說：「好多謝屋企人啦，支持我嘅朋友、教練同埋所有支持我嘅市民。我今次奧運可能未必係打到好好，都覺得自己係同佢哋高水平嘅人，差咗一段距離。不過我會繼續努力，我會希望有一日可以贏返佢哋。」