【獨媒報導】港足在亞洲盃首戰與阿聯酋對決力戰而敗，周六凌晨將迎戰伊朗。記者昨日到訓練場繼續直擊港最隊新情況。中場球員陳俊樂表示，港隊過去與西亞球隊較量的時候，不但一面倒受壓，只有零星的反擊，上場卻成功製造射門，球員除了在前場高位迫搶，防線亦壓得更前：「由熱身賽開始，大家開始掌握到壓迫嘅踢法，希望可以喺細節再做得好啲。」
《獨媒》記者麥馬高、周頌謙 卡塔爾直擊
26名球員齊人 謝家強「復出」參加對抗賽
港隊在卡塔爾當地時間周二晚，在卡塔爾大學內訓練場進行集訓，26名球員終於「齊人」，包括3名早前有傷在身的球員，包括艾里奧、祖連奴及謝家強。不過，祖連奴就未有參與訓練，他穿上跑鞋，並在場邊與安達臣及物理治療師交談。
一眾球員先進行慢跑、盤球及傳球作熱身，及後分成兩組進行對抗賽，在上一場搏盡的胡晉銘、陳晉一則沒有參與，只在球場慢跑，進行恢復訓練。至於另一傷兵艾里奧，他同樣沒有參與，單獨進行盤球練習，謝家強就「復出」參加對抗賽。
解釋為何保留祖連奴不補選 安達臣：有時就係要搏一鋪
至於祖連奴很大機會連續缺席兩場分組賽，港隊最終在對陣阿聯酋6小時前，亦未有更換球員名單。被問到為何不補選其他球員，安達臣就解釋：「香港冇其他人好似佢咁，可以代替到佢，佢話自己最後一場可以上陣，呢場可能係我哋最重要嘅比賽。我哋有時就係要搏一鋪，假如佢上到場將會有決定性作用，我哋或者會有多一場踢。」
安達臣又提到，球隊傷兵情況已有好轉，指雖然胡晉銘、陳晉一在上場對陳阿聯酋後有輕微受傷，但艾里奧已則漸入佳境，預計明日或周五可歸隊，有可能在對伊朗一役中列入後備名單；另勞烈斯在集訓期間表現起伏不定，但慶幸對方已克服傷患，並已在內地尋覓到新東家。
安達臣認在伊朗身上搶分有難度 不排除對方收起部份球員
對於三個月內兩度遇上伊朗，安達臣稱對方球員高質素，有現效力波圖、羅馬及飛燕諾的球員，認為搶分有一定難度，但仍要努力嘗試：「可能佢哋首仗已贏波拎咗三分，以為又對香港，上次已經贏過4:0，或者會收起部份球員為最後對阿聯酋一戰準備，咁我哋就有少少機會得到好結果。」
在對阿聯酋的比賽中，陳俊樂表現不俗，他有感港隊與對方是「有得踢」，更成功發揮部署，迫到對方要直接「開大腳」，希望餘下賽事有好的發揮。樂仔表示，港隊近年曾多次與伊朗交手，理應有心理準備，相信今次對壘可以做得更好。
已與流浪解約 李毅凱稱先專注港隊賽事
在上場賽事中，李凱毅一度抽筋仍「頂硬上」，他對最終戰果感到失望，認為應能在阿聯酋身上取得積分：「踢落大家都覺得唔錯啦，跟教練嘅部署，教練都覺得我哋踢得好好，唔係好似以前香港隊咁，一味死守，都爭啲入波。輸咗兩球十二碼，希望嚟緊呢兩場都會再做好啲。」
在對抗賽中，李毅凱「重操故業」以左閘姿態出現。他表示 已準備好出任任何位置：「教練搵我踢咩位，都隨時準備好，幫香港隊希望可以喺伊朗身上再踢好啲，睇吓係咪可以偷到雞。」另外，阿凱提到，一眾港隊球員情都很珍惜今次機會，尤其享受與強隊比賽：「可能唔知下一次係幾時，希望可以踢到最好嘅成績出嚟。」
在訓練開始前，李毅凱在社交網站發出限時動態，貼出其穿上標準流浪球衣的照片，並寫上「Thank You」。阿凱對《獨媒》表示已和流浪解約，目前會先專注港隊賽事，稍後再處理轉會：「解咗約啦同流浪！宜家諗緊⋯⋯呢幾場專注香港隊先啦，過兩日差唔多（公布）啦。」
助攻入波證不獨食？ 艾華頓：我有我的足球風格
在對阿聯酋的賽事中，艾華頓傳中予陳肇鈞撞入。球迷一直認定，艾華頓較為「獨食」，但原來都會助攻給隊友。有有記者便問艾華頓，今次助攻是否回應球迷的訴求。艾華頓表示，自己有其足球風格：「每個人都知呢個係我嘅足球風格，安達臣都鍾意，如果佢唔鍾意，都唔會召我入決選名單。」
艾華頓強調當有機會射門，自然會射門，對於傳球亦然：「呢個係我嘅風格，但如果有人唔鍾意、教練叫我改，我會嘗試改善。」除了傳中，艾華頓亦參與防守，他就指如能一起齊上齊落，球隊在比賽中才有更多機會：「做好防守，我哋先可以試吓入波。」
《獨媒》亞洲盃採訪開支由逾130名熱心讀者贊助，波事春秋 冠名贊助 ⚽️🇭🇰，以及 Footstop 買波飛 贊助