【獨媒報導】港隊三球輸給巴勒斯坦，未能晉級淘汰賽。在完場一刻，港隊球員茹子楠淚如泉湧，要由隊友安慰才能回過神來。在賽後，茹子楠接受一眾香港記者訪問，談到淚水背後盡是失望、自責及遺憾，但希望能夠成為繼續進步的動力：「我踢完退休嘅時候，可能有班後生嘅接棒，其實香港隊無終點，keep 住都係向上升嘅過程。」
《獨媒》記者麥馬高、周頌謙 卡塔爾直擊
港隊在相隔56年後再次出戰亞洲盃決賽周，在今場對巴勒斯坦輸波出局，球員都難掩失落之情。時間線先回到卡塔爾當地時間周二下午，一眾香港傳媒都在想，港隊出線的話，應如何部署，但在球場的傳媒中心看到敘利亞對印度的入球後，已隨即心裡一沉。
結論還是港隊要先贏巴勒斯坦，才有機會晉級，90分鐘過後，比分已不必多說。一眾球員在賽後答謝球迷的時候，茹子楠失聲痛哭，大哭了一場，要由隊長葉鴻輝安慰始能反應過來。然而，在球迷的打氣聲之下，葉鴻輝最終亦按耐不住，與這名前東方隊友一起淚崩。
香港記者賽後守候 茹子楠：好難做呀呢個訪問
在賽後混合採訪區，港隊球員逐一離開登上隊巴，鞠盈智率先步出，艾里奧、謝家強緊接其後。茹子楠、黃威則要進行藥檢，在較後時間才能離開。一眾香港記者都在守候茹子楠，希望了解他的心情。
在港隊訓練期間，茹子楠臉上總掛着笑容，與隊友談笑風生，這一刻的心情卻有如千斤重。賽後點解喊？茹子楠：「輸波。」當時腦海在想甚麼？茹子楠：「嗰刻諗緊屋企人，諗緊呢個盃係點講呢⋯⋯好難做呀呢個訪問⋯⋯」
茹子楠對失波感自責 隊友已落力搏盡
在沉澱後，茹子楠說，港隊很難得才殺入亞洲盃決賽周：「呢場波係我哋嘅決賽，但我哋⋯⋯嗯，表現得唔係好好。可能大家都對我哋好有希望，我哋自己都好想呢場波，最尾結果唔好，所以就喊。」「跟住又見到Fans 咁落力為我哋打氣⋯⋯所以就加乘咗就喊，可能失波我都有責任，跟住我就喊。」
經過首兩場賽事，港隊如主教練安達臣所說，令人感到耳目一新，即使面對西亞一哥伊朗亦不失禮。今場對巴勒斯坦的生死戰，先是港隊迫搶戰術未能湊效，球員在受到壓力下失準。茹子楠亦提到，首兩場賽事令球員認為與中東球隊的距離拉近：「對伊朗甚至有攻勢，咁會令到我哋信心大咗，但第三場表現得唔係好好⋯⋯」
在場上不斷奔跑，為香港隊搏盡，早已成為茹子楠的印記，國內球迷亦給他送上「拚命小楠」的外號。「我哋早咗三、四個禮拜入camp，嗰時已經跑得好犀利，甚至係可能係香港隊嘅pre season。港超球會已經有練波，但佢哋喺香港隊都咁落力跑，大家都好為呢支香港隊，同呢個亞洲盃預備咗好多嘢。」「去到呢三場，大家都好落力咁跑，跑到最後一刻。」
茹子楠認有遺憾 「差少少，大家都盡咗力」
記者問茹子楠是否有遺憾，他說是的，然後鼻子又是一酸：「嗯，都好難入到呢個亞洲盃嘅時候⋯⋯我唔知幾時下次可以再入嚟決賽周⋯⋯嗯，差少少，大家都盡咗力。」
面對今次的挫折，茹子楠需要時間調整心情，他指葉鴻輝當時便安慰他說：「你宜家25歲，可能仲有10年幫香港隊比賽，你呢個只係其中一場為香港隊比賽，陸續有嚟。」
最後談到今次亞洲盃的過程，茹子楠認為，對港隊來說是進步：「其實呢個過程係一個進步嚟，大家都踢到安帥想俾大家睇到嘅嘢，係一個process，結果係無終點，我踢完退休嘅時候，可能有班後生嘅接棒，其實香港隊無終點，keep 住都係向上升嘅過程。」
葉鴻輝：看到球迷十分感動 喜見港人踴躍參與亞洲盃
在上一場對伊朗的賽事，葉鴻輝第90次代表香港，今場就退居後備。葉鴻輝在賽後表示，入場看到一眾球迷時已十分感動：「自己踢咗咁耐，我哋亞洲盃決賽周都第一次參加，大家都好踴躍去參與，各方面球迷、媒體都好，成個香港都好多人好踴躍參加呢個比賽。好多報道都講，之前亞洲盃好似唔關我哋香港人事，今次你feel 到成個香港都好投入呢件事。」
在比賽後，葉鴻輝亦不禁感觸落淚：「今日最後一場，我哋唔可以完成大家，或者我哋嘅心願去下一round，但見到球迷完咗場都好落力打氣，所以都有啲感動。」
後記
近年說香港足球，球迷都已厭倦報道標題，用上雖敗猶榮這個四字詞。在今屆亞洲盃決賽周分組周三場賽事過後，港隊教練、球員、香港記者及球迷，或許都帶著不甘心離開球場。然而，今次亞洲盃決賽周，港隊正在說明球隊在進步，正在向外界展示決心，正在證明有力與任何對手周旋到底。
《獨媒》亞洲盃採訪開支由逾130名熱心讀者贊助，波事春秋 冠名贊助 ⚽️🇭🇰，以及 Footstop 買波飛 贊助