（獨媒報導）港足相隔56年重返亞洲盃決賽周，惟以三戰全敗出局告終。第二批球員周四下午返港，有球迷到機場接機，球隊門將葉鴻輝形容整趟旅程「過程好，結果唔好」，盼球隊未來仍能堅持相關踢法；賽後曾一度哭成淚人的茹子楠則指今次經歷是很好的推動力，令自己有所成長：「最難忘嘅一件事可能係最尾嗰場波⋯⋯最尾都唔係好答謝到班球迷而落淚嗰吓，因為我真係好幾年冇喊過。」
球隊昨晚從多哈乘坐飛機返港，足總主席霍啟山亦隨機，大批傳媒及球迷在機場守候，惟主教練安達臣未有隨球隊回港。
葉鴻輝認「過程好，結果唔好」 盼續逼搶踢法
為港隊披甲90場的門將葉鴻輝接受傳媒訪問時表示，亞洲盃之旅令香港隊認識到大賽的氣氛，認為球隊於過程中「打到我哋想要嘅足球出嚟」，「翻去盡快睇吓我哋點樣再提高啲，真係希望喺強隊身上赢到波」。
葉鴻輝又指參加大賽令自己經歷增加，見識到亞洲頂級賽事的高規格，形容整趟旅程「過程好，結果唔好」，「我哋知道我哋能力去到邊度」，盼球隊在將來仍能堅持相關踢法應付不同對手。
茹子楠：輸波成推動力 難忘尾場未能答謝球迷
賽後曾一度哭成淚人的茹子楠則表示心情暫時已平伏，「settle咗少少，但可能要多幾日時間自己去me time吓」，形容經歷是一個很好的推動力，「可能呢三場輸波令我成長咗。」
茹子楠又直言對亞洲盃之旅「唔捨得」：「最難忘嘅一件事可能係最尾嗰場波，望住班球迷，我哋成班隊友，即係大家都好辛苦練波，為咗嗰場波，最尾都唔係好答謝到班球迷而落淚嗰下，因為我真係好幾年冇喊過。」
霍啟山：派國際邁阿密門票予職員及球迷以答謝付出
霍啟山接受傳媒訪問時指，足總正計劃以門票答謝一眾職球員及部分球迷的付出：「按照足總制度達唔到獎金安排，但今次足總都有小小心意畀大家，全部職員每人都有兩張國際邁阿密波飛，同埋有會一部分嘅飛送畀今次飛去卡塔爾睇波嘅球迷，但數量、派發方式等細節安排中，希望大家一齊享受依項盛事。」
《獨媒》亞洲盃採訪開支由逾130名熱心讀者贊助，波事春秋 冠名贊助 ⚽️🇭🇰，以及 Footstop 買波飛 贊助