【獨媒報導】港足昨晚在卡塔爾進行亞洲盃決賽周前最後一場練習賽，以0：2不敵世界排名56的沙特阿拉伯，總計三場海外練習賽取得一勝兩敗。主教練安達臣表示：「中國、塔吉克與沙特阿拉伯都比香港強，世界排名亦較香港高，我哋嘅距離已經拉近咗好多，亦都覺得有能力同佢哋競爭。」
連同在港的兩星期集訓，港隊今次備戰時間長達一個月，安達臣形容向前邁進了一大步：「球員狀態同起初相比好咗好多。我哋可以在急速節奏下長距離跑動，喺逼搶同應對逼搶都有進步。」
足總圖片
今場賽事經兩隊協商後，每隊將各自公布出場名單、入球球員及完場比數，但比賽過程和球員入替資料就不會對外公布，比賽照片亦需要取得雙方同意後才可發布。港隊連續兩仗由葉鴻輝正選把關，中堅續用周緣德搭李毅凱，陳俊樂、陳肇鈞、艾華頓亦繼續擔正，茹子楠、祖連奴、安永佳、陳晉一及胡晉銘則復任正選。根據沙特足總所公布資料，沙特上下半場各建一功，分別在21分鐘由Abdulrahman Ghareeb和83分鐘由Fahad Al Muwallad射入。
主教練安達臣形容今場是硬仗，由一開波已經很高速率：「佢哋有好快、好高質素嘅球員，不過我哋之後都有嘗試製造攻勢，與對方拉成均勢。」他又認為港隊先失的十二碼沒有必要：「我唔知係咪真係十二碼，不過球證判咗俾佢哋。」
他續稱港隊上半場向對手施壓不夠，不過對手都未能製造很多攻勢，並認為下半場兩軍距離收窄，「我哋製造到唔少攻勢，不過都唔係明顯入球機會。」
足總圖片
安達臣亦滿意球員表現，指他們展現出鬥心，「我哋之後都要踢到咁硬淨，逼搶佢哋。雖然前線唔係有太多入球機會，但阿聯酋同沙特阿拉伯嘅風格好相似，屆時比賽應該好有趣。」
港足將於周日迎來首場賽事對陣阿聯酋，安達臣表示球員會先休息，周五才作準備：「希望我哋有啲運，有好成績。」