【獨媒報導】譚凱邦涉及民主派初選47人案，被控違反「港區國安法」涉嫌串謀顛覆國家政權罪，目前正被還柙。譚凱邦今日在獄中渡過41歲生日，元朗區議員張秀賢曾是他的學生，他指對方多年來堅毅不屈，「佢係我老師，有恩於我，佢係一個堅毅不屈嘅人。」

在屯門安定邨長大，張秀賢中學在順德聯誼總會梁銶琚中學讀書，由中一至中三，譚凱邦教了張秀賢兩年，包括綜合科學和生物科。

兩人都是在2006年進入梁銶琚，校長在週會介紹新老師，那人就是譚凱邦。張秀賢指，譚凱邦上堂的特色是叫人答問題，同學反應很熱烈，「佢個樣可能好悶，但教書一啲都唔悶，佢仲會做自己筆記俾學生。」

張秀賢中三的生物科很高分，這是拜譚凱邦所賜。在課外活動中，亦有譚凱邦的身影，張秀賢中一已經跟譚凱邦做義工，到屯門蔡意橋替綠色和平賣竹筷子，「其實呢，屏風樓同發水樓都係環保觸覺同佢，引入主流討論。」

在2015年區議會選舉，譚凱邦出選荃灣「馬灣」選區，成功當選區議員，他在2016年立法會選舉原欲參選，但最後以家庭理由沒有參選；在前年區議會選舉成功連任，出任環境、衞生及氣候變化委員會主席。

13年前立選助選 張秀賢指「冇佢冇我」

然而，譚凱邦早在2008年便曾參選立法會選舉，張秀賢和一班同學替老師助選，這亦是張秀賢的政治啟蒙。他每日先到環保觸覺位於荔枝角總部取物資，再跑遍九龍西，「嗰陣時唔覺得佢唔會贏，佢老師嚟嫁嘛，唔通走去第度咩？」「反高鐵、五區公投同反國教都係因為佢感染到我。冇佢我應該唔會入行。誇張啲講，冇佢冇我。」

張秀賢形容，譚凱邦的政治生涯「好有想法，但政治魅力不足，佢自己都認。」他表示任職老師的收入較可觀，認為譚凱邦全職從政「很有勇氣」。

「你點睇個班人都顛覆唔到國家政權啦，如果咁都顛覆到，中共唔知冧咗幾多次啦。」初選47人案中的被告，面對馬拉松式聆訊，大部分被告更需要還柙候審。譚凱邦早前已退出新民主同盟，和辭任區議員，政治生涯劃上句號。

批政權砌生豬肉

張秀賢表示，初選47人案令人感到難過，在47人中又以譚凱邦認識了最久，「我識咗佢15年。你話佢同佢哋做錯啲咩？砌生豬肉之嘛，佢跟佢嘅理念從政，入到去都係跟環保、城規嘢。每個人本身有佢故仔，有佢背景、有佢嘅屋企人。呢場運動拆散咗幾多個家庭？你睇，身邊幾咁多人受難。」

張秀賢曾在譚凱邦的婚禮中，為對方拉小提琴。在去年民主派初選，譚凱邦亦找張秀賢幫手擺街站，他二話不說答應，「佢係我老師，幫過我，點解唔幫佢？」

張秀賢：希望佢同佢太太平安

此外，張秀賢又憶述，譚凱邦在2012年時欲轉校，曾對一班同學說，「想睇埋你哋畢業先走。」「佢就係咁老土嘅人。諗返都幾感慨。」「唉，其實佢本身已經瘦猛猛，好似唔識長肉，希望佢同佢太太平安。」

立法會日前通過《2021年公職（參選及任職）（雜項修訂）條例草案》，區議員將要宣誓。張秀賢坦言，自己已有入獄的準備，連在監獄佩戴的膠眼鏡都已準備好，「喺香港從政，無可能無入獄嘅準備，捱得一日得一日。」

記者：麥馬高