【獨媒報導】47人涉組織及參與民主派初選，被控「串謀顛覆國家政權」罪，16人不認罪，今（19日）踏入審訊第87天。何桂藍談及參選原因，表示2019年的社會運動很早已演化成一場民主運動，而如要為運動取得民意授權，立會選舉是必需走的路，政府亦需回應選舉結果。何自言，她是「single-issue candidate（單一議題參選人）」，參選是望立會選舉能推進運動，並將運動精神帶入選舉，不希望只靠運動來取得議席。法官問是什麼精神，何稱望有身位演繹「攬炒」，並將運動去中心化、每人要找最適當身位貢獻等精神帶入選舉。何又強調，宣布參選時清楚表明不是記者，不希望混淆兩者身分，又指對她而言2019年運動不是指其年份，「至少喺我身上，場運動仲未完。」
此外，何亦表示初選應是目的而非工具，指立會選舉是全香港人的事，就議會路線應如何走、抗爭做到何種程度，均應交由盡量多港人決定，亦是辦初選的原因，故她當時不接受公民投票以外的方案。
何桂藍稱2019年底開始思考不做記者 翌年初考慮參選立會
何桂藍繼續作供，今早談及對戴耀廷稱立會過半是「大殺傷力憲制武器」及對「抗爭派」等看法。被問何時決定參與立法會選舉，何桂藍指她一開始不打算參選，但約於2019年12月「我就開始諗唔做記者，喺運動入面搵一個崗位去做」。何指她起初打算做被捕支援，但約於2020年1至2月便開始考慮參選立法會。
何稱運動無面孔但獲大眾辨識、2019年從無示威參選時表明非記者
被問參選立會的原因，何指2019年運動其中一個精神是「每個人都要搵自己最適合或者最擅長嘅嘢去做」，而當時運動是「無領袖」亦「無面孔（faceless）」，「譬如琴日講七一宣言究竟係邊個寫，到而家都唔知道，當時究竟係啲咩人咁把炮可以做到全球登報我哋都唔知道。」陳慶偉打斷着何可直接回答問題，並問何是否指運動沒有代表或象徵人物？何說：「但係好遺憾，大家辨識到我囉。」
何桂藍（資料圖片）
Beel 續問及何當時的「名氣」，李運騰先問這是否會幫助辯方案情，又指法庭知道何當時是運動的知名人物（prominent figure）是否已足夠。何即指她必須澄清，就李運騰指她是運動的標誌人物（icon），「2019年我係冇示過威，冇做過示威者嘅」，「所以唔好話我係個 movement 嘅任何嘢」、「你就唔好話我係乜乜乜 of the movement」，李運騰指他沒有用「icon」一詞，又指現在已談及2019年後的事，問何會否認為她在2020年3至4月是民主派的重要人物，何表示不同意 ：「係一個顯著人物，但唔係泛民主派。」
何其後主動澄清，「記者還記者，抗爭者還抗爭者，兩者混淆埋一齊係一個好嚴重嘅問題，亦都唔淨係影響到我」，故「當時我要推進呢個運動，我第一件事就係離開記者嘅行業」。何並指，2020年很遲才開設 Facebook 專頁，是因當時要以記者身分出席聯合國海牙的一個活動，且有稿未交；但何強調她宣布參選時「好清楚表明我已經唔係一個記者，希望大家唔好再混淆」。
何稱反修例演化成民主運動 望立會選舉取民意授權推進運動 非靠運動取議席
Beel 再問及何參選立會的原因，何解釋因投票成本最低、最多人可以參與，故「如果我哋要為個運動攞個 mandate（民意授權），立法會選舉係必需要行嘅路」。何又指政府必須回應立會選舉結果，雖當刻不知好壞，但2020年3至4月時運動很多其他路線亦開始「停滯不前」。李運騰問是指什麼運動，何指是2019年的運動，重申「反修例運動」一名只是因想不到其他名字才「用住先」，但運動「好早已經演化成一場民主運動」；其後又指她說2019年運動時，「我指嘅係運動，唔係個年份，至少喺我身上，場運動仲未完。」
何續說，每次立法會選舉，所有媒體和公眾焦點就變成立法會「跑馬仔」、「數議席」， 惟何「個人好唔希望見到，件事變咗係議會路線 ride on（靠）2019年嘅運動攞多幾個位⋯⋯我係希望立法會選舉呢件事，可以推進場運動」。
何桂藍續指，香港民主運動一直有個問題或恐懼，就是因大家將焦點放在立會，運動上就「冇咁多時間同心力去推進」，故「當時好多非常投入運動嘅人，都好唔鍾意初選或者立法會選舉，正正係憂慮佢轉移咗大家嘅注意力——到底而家係講緊議會係運動嘅一部分吖，定係話個運動嘅存在就只係為個議會可以攞多幾席？」
何續說，運動其中一個緣起就是「立法會解決唔到個問題，所以人民先要行出嚟」，她認為「我哋唔可以放棄立法會呢條線」，但認為立會只是運動一個「甚至我會話唔係一個非常大嘅部分」，故若說將運動「直接由街頭搬咗入 chamber（議事廳）」，「我認為係消解咗運動嘅能量，甚至係馴化咗2019年呢場運動。」
何稱盡責審議於現行制度無法做到
何桂藍續指，當時理解議員角色是反映民意、監察政府和防止行政機關奪權，並且理論上「盡責去審議每一條交上嚟嘅法案」。李運騰問為何是「理論上」，何稱「因為呢樣嘢喺立法會現行嘅制度內係做唔到嘅」。
至於區諾軒早前曾稱，認為何桂藍是「較為有左翼思想嘅人」，又指她「經濟上面追求社會公平」。何表示同意她「追求社會公義」，但「我冇足夠知識判斷我係咪一個社會主義者」。
何自言屬單一議題候選人 空降新東因該區最重視政治辯論
就初選協調，何表示記得2020年1至2月報紙政情版已提及戴耀廷正在辦協調，她亦有出席4月14日的新東首次協調會議。被問她是否認為有義務（obligation）參與協調會議，何稱「我係自己想去嘅，唔係一個 obligation」，指因她「做咗記者咁耐」，一直較關注的香港政治議題就是不同政治派系的紛爭，但做記者時「永遠只係聽人點樣講」，故「我本身好有興趣參與呢個協調嘅過程，去睇吓佢究竟係點」。
何續指，當時得知有興趣參與便可找戴耀廷或區諾軒，故找了區諾軒，並指「如果我唔主動講，冇人會知道我想選」。何其後獲告知會議詳情，但區沒向她提及參與便須認同五大訴求。
被問為何參選新東，何表示「好老實講我當時係空降嘅」，並直言認為自己當時難以被放在任何一個2019年前已存在的政治派系，會形容自己為一個「single-issue candidate（單一議題候選人）」，「我就係話要將個運動嘅精神帶入議會㗎啫」，而她會提但不會強調任何地區性議題。
何續指，歷屆立法會的各個選區中，認為新界東選民最習慣和重視這類政治辯論，舉例她2020年7月出席將軍澳地區論壇時，將軍澳居民的問題無一關於地區，又指自2003年已有長毛梁國雄，惟法官打斷指無需給予例子。
何桂藍望將運動精神帶入選舉 包括想有身位演繹攬炒定義
陳慶偉問，故何說法是將運動精神帶進議會？何修正稱：「唔係帶入 chamber，應該係話帶入呢場立法會選舉，因為好早期嘅時間我就知道我入唔到呢個 chamber。」陳續問何是談及什麼精神，何說「場運動有好多唔同嘅精神」，但「我係想有一個身位去演繹『攬炒』呢件事嘅」，「put forward（提出）一個我嘅攬炒嘅定義」，又解釋當時社會上不同人正爭奪「攬炒」定義，如建制派會說「拉布」就是「政治攬炒」。
陳問及運動有什麼其他精神，何指有「兄弟爬山」、「齊上齊落」、「一息尚存，抗爭到底」，法官追問她還想帶什麼精神入選舉，何指就是運動的「無領袖、去中心化」狀態。陳問何能否在數隻字內解釋完，何稱「唔可能」、要用「幾句」，陳着她簡單概括答案，就如文章的標題，惟何即坐直身子大聲說：「唔好意思我從來都冇做過內容農場，同埋我唔係一個標題黨，我認為將任何嘢 reduce（簡化）成一個標題本身係一個極不道德嘅做法。」
何在法官追問下，稱除演繹攬炒定義和去中心化外，想帶入選舉的還包括「每個人都要搵最適合自己嘅身位去貢獻場運動」；以及當「兄弟爬山」和「齊上齊落／和勇不分」有矛盾「點樣融和（reconcile）呢個矛盾」。何同意，運動由反修例演變為追求民主化、爭取雙普選，Beel 問那解釋了她想將運動的精神帶入選舉？何回應民主化本身可以是目標，但民主運動內部的民主化正是指「去中心化」。
何稱因2018年民主派初選情況 故很關注2020年初選有否需簽名的協議
就新東協調情況，何指無印象看過和會上有傳閱「35+計劃」文件，她不曾與戴耀廷直接接觸，唯一聯繫只是互加 Facebook 好友，但無說過話。何並指首次會議前，應從區諾軒得悉會議會決定用民調或公民投票，而她赴會前曾重閱自己2018年撰寫有關民主派立會補選初選的報導作準備。
何續指，文章有幾點她警惕自己參與時要注意，首先是「DQ係真係 arbitrary（任意），所以有咩 Plan B 啊，靈童啊真係要傾清楚」，指2018年初選因無討論清楚 Plan B 造成極低票情況。李運騰問若DQ是任意，Plan B 有何用，何指2020年3至4月時大家有心理準備 Plan A 會DQ，但無想過 Plan B 和 C 也會被DQ，是郭榮鏗4月底被兩辦警告時才認真想DQ的問題。
至於第二點，何指2018年初選所有與會組織曾簽署備忘錄（memorandum），但無向公眾公開，故當爭議出現時，選民「係完全唔知民主派嘅政治人物究竟係拗緊乜嘢」。何並解釋，當時有候選人以非常高票當選，票數為第二位十倍以上，但有傳他會被DQ，不同派系均認為派第二位選一定會輸，故爭議是否應派一位有號召力的民主派元老去選。
但何指該些爭論非公開進行，選民只能從消息人士得知細節，而投票後出選正式選舉的人又似乎不由選民決定，形容為民主動力的「公信力崩潰」。何指因此到了2020年，「我好關注到底場會議會唔會有一啲需要簽名嘅協議」，並指她對應否簽協議無特定立場，但認為「呢一啲嘢必須要傾得清清楚楚」，包括會否有協議、誰簽署、簽署後有何責任義務，亦希望如有協議能盡早向公眾公開。
何指初選應是目的非工具、2020年港人不接受泛民閉門商討後讓他們選擇
何最後指，認為2018年的初選問題是民主派只將初選當成工具，「自己傾唔掂數就唉，選民揀啦」，但何強調，「初選本身應該要係目的，議會路線應該點樣行、議會抗爭做到咩程度，我認為應該係由選民去決定，所以選民應該要對最後有咩人出選係有一個發言權，甚至係決定。」
何並指，認為「由 Day 1 開始就應該要話搞初選，而唔係話傾唔埋欄先話搞」，因在2020年，「唔會再有香港人接受幾十個泛民閂埋門，然後決定一啲候選人比佢喺正式選舉做選擇」，強調不止是為了選候選人才搞初選，「而係立法會選舉係全香港人嘅事，究竟條路線點行，應該係盡量多嘅香港人一齊去決定，呢個先係我認為一定要搞初選嘅原因。」
何同意，因此她希望能辦初選，而且結果要具約束力，強調她「唔接受公民投票以外嘅任何方案，同埋所有嘢都要公開、盡量公開」。被問會議是否對傳媒公開，何指「話就話閉門嘅」，但一定會有消息人士發放消息予各大報章政情專欄，「所以我有提醒自己講嘢一定要小心，唔預見街就唔講喇」，她亦無為意戴耀廷有否提到要保密。
審訊第八十七日
何桂藍指憲政危機不必然負面、「抗爭派」行動不以保議席為首要考慮
何桂藍稱參選望將2019年運動精神帶入選舉：至少喺我身上場運動仲未完
審訊第八十六日
何桂藍開始作供 稱曾就讀北京清華大學 2019前無想過轉行「諗住做到坐為止」
何桂藍供述「五大訴求」源起、指「攬炒」是種精神：明知承受好大代價仍堅持應做的事
何桂藍稱立會過半不可能「奪權」、不同意戴耀廷以「宿命」形容「攬炒」：反抗係香港人嘅選擇
審訊第八十五日
施德來完成作供 稱信港人理性看待財案
審訊第八十四日
曾提加泰獨立 施德來稱反對港獨、僅反映港人憂民主自由空間收窄
官問以林鄭性格會否回應五大訴求 施德來稱「最少欠香港人一個道歉」 重提「我好鍾意香港」時哽咽
審訊第八十三日
施德來：視否決財案為談判籌碼、理解譚耀宗指重選立會為解決分歧機制
施德來稱「墨落無悔」無綑綁否決財案 列為政綱顯進取形象
審訊整理
第二周審訊整理 區諾軒作供稱「我驚背漏」 民主派就否決預算案現分歧
第三周審訊整理 區諾軒：各區協議無公開惹爭議 戴耀廷初選後稱「不說癱瘓政府」
第五周審訊整理 區諾軒認辦初選目標與戴耀廷不同 中聯辦譴責後盡全力解散初選
第六周審訊整理 區諾軒稱感被戴耀廷「騎劫」惟翌日改口 指「攬炒十步」為「狂想」不欲在港發生
第七周審訊整理 區諾軒認「35+」可能失敗 指戴耀廷協調過程難言民主
第八周審訊整理 趙家賢稱戴耀廷「風雲計劃」起營造憲制抗爭 對戴未獲共識提「攬炒」感「好火滾」
第九周審訊整理 趙家賢指抗爭派失控「唯有DQ自己」
第十周審訊整理 趙家賢稱感被戴耀廷「騎劫」惟屢遭官質疑 指答應辦初選因不想被邊緣化
第十一周審訊整理 何桂藍一方質疑趙家賢可信性 趙否認淡化參與換取減刑
第十二周審訊整理 趙家賢完成作供 控方上周破解鍾錦麟手機
第十三周審訊整理 鍾錦麟：民動2020年2月與戴耀廷有共識協辦初選、戴曾稱不要求無差別否決財案
第十四周審訊整理 鍾錦麟完成作供 證人X新西會議拍片交警方自言「光明正大」
第十五周審訊整理 控方傳畢證人 押5.29處理「共謀者原則」法律爭議
第十六周審訊整理 「共謀者原則」法律爭議 法官裁定不適用於《國安法》生效前言行
第十七周審訊整理 4被告申毋須答辯 官裁16不認罪被告全表證成立
第十八周審訊整理 辯方案情展開 首名作供被告鄭達鴻供述與公民黨分歧
第十九周審訊整理 鄭達鴻稱公民黨因《國安法》改政綱、否決財案僅「籌碼」不致癱瘓政府
第二十周審訊整理 曾被嘲「大灣棋」 彭卓棋認「扮黃」爭支持、國安法後棄政綱
第廿一周審訊整理 何啟明稱簽「墨落」仍可選是否否決財案 劉偉聰從不知初選綑綁當選後行為
第廿二周審訊整理 施德來：論壇提否決財案為顯民協「進取」、要特首回應五大訴求為否決恰當原因
區諾軒24天證供總結︱「35+計劃」怎樣開始？就否決預算案達成共識了嗎？
趙家賢17天證供整理︱趙口中的「35+計劃」是怎樣的？民主動力角色是什麼？與區諾軒證供有出入嗎？
鍾錦麟3天證供整理︱民主動力如何參與「35+計劃」？與趙家賢證供有什麼出入？