（獨媒報導）民主派初選47人案，一眾被告被控違反港區國安法，涉嫌串謀顛覆國家政權罪。被告之一岑敖暉因去年六四案罪成，今日在赤柱監獄渡過28歲的生日。他的前議員助理阿O 接受獨媒訪問，想起曾和岑敖暉一起探監作公務探訪，如今Lester 已成為被探監的人。她又笑言，希望Lester 能繼續用「鳩」對抗荒謬。
在訪問中，赤柱監獄外的一段路，牽引著阿O 的思緒。她想起那次的畫面，岑敖暉以區議員身份探訪手足，阿O 陪伴一起，但因扭傷腳只能緩慢地走，一霎眼發現，岑敖暉已快步走了一半，還說，「早知嗌架Golf Car 俾你。」如今，曾一起探監的人，已變成被探監的人。
記者問道，有咩想同岑敖暉講？阿O 沉默了良久，想了想說，和Lester 均是無所不談，而且「諗度乜就講乜」。除了解悶工廠外，她平時會額外製作「鳩Post」，即複印討論區有趣的帖子，寄予Lester 和其他在囚人士觀看，「唔好唔記得『鳩』，『鳩』係用嚟對抗荒謬嘅方式。無論咩時候，都要保持『鳩』。」
阿O、另一議助與岑敖暉合照。
欣賞岑敖暉敢講法治已死
阿O 是九十後，較岑敖暉細一歲。在成為議助之前，她原本打算去環遊世界，但卻遇上疫情。她看到岑敖暉聘請議員助理，便膽粗粗去應徵。在應徵之前，她已認為岑敖暉是可以信賴的人，「區選個排見到佢講法治已死，但當時大部分政棍仲盲目相信法治。」
2014年雨傘運動，岑敖暉是學生領袖，及後出任立法會議員朱凱廸助理。2019年參選區議會，岑敖暉在荃灣「海濱」擊敗鄒秉恬當選。
在當選區議員後，岑敖暉母親偶然會到辦事處，送來生果和飲品，她對阿O 說，「我個囝話呀，你係佢同事，唔係下屬，大家平起平坐咁高咁大。」阿O 認為，Lester 十分重視朋友，「佢一直都唔當我係助理，形容我係同事。」
深厚信任 街坊視為岑保姆
二人共事一年以來，建立了深厚的信任。岑敖暉對用錢和時間的管理沒有概念，在旁人看中，包括街坊和母親，都視阿O 是岑敖暉的保姆。她有點靦腆地說，「佢係拋頭露面嘅人，我就做行政嘢，呢個係分工嚟嘛。嗯，佢對我處理晒呢啲行政嘢會心存感激嘅。」
岑敖暉早前便在信中說，懷念阿O 鬧自己的日子，「佢話被我鬧又唔開心，唔俾我鬧又囉囉攣，所以俾我鬧係lesser evil。」
在同事還柙後，阿O 要繼續處理辦事處的大小事務，她不禁對記者吐苦水說，在囚人士簽名需預先申請，「真係好煩，office執笠一定最多嘢搞，但佢竟然喺入面，你又唔可以嬲佢。」
岑敖暉今年年初結婚時，阿O亦有出席。
時刻警惕「權力令人腐化」
一名海濱街坊早前從外地回港，需要接受隔離，母親正值彌留之際，未能外出探望，更一度未能到殮房認屍。該名街坊遂向岑敖暉辦事處求助，阿O致電衛生署後，街坊翌日便能外出。她表示，能夠協助街坊固之然開心，但不喜歡有特權嘅感覺。
「我哋打個電話，講完第日就話解決咗，點解街坊自己問唔得？感覺很差，呢樣野本來就唔應該由區議員去問。」她事後告訴岑敖暉這件事，Lester 讚她有這個想法很好，認為權力令人腐化，更要她時刻提醒和警惕自己，「佢話，如果有一日，我唔記得咗呢樣野，記得提我。」
岑敖暉嘆後知後覺
反送中運動以來，政治清算從未停止，岑敖暉辦事處上下便曾討論是否應宣誓。然而，在討論的翌日後，政制及內地事務局局長曾國衞便表示，在法例通過後，在去年立法會選舉中曾被DQ參選資格的區議員，即梁晃維、袁嘉蔚、岑敖暉和鄭達鴻四人將即時遭DQ。
他們便在辦事處大笑，岑敖暉更揶揄她「搵工啦好。」去年六四集會案，岑敖暉被判入獄6個月，正式入獄兼遭褫奪區議員資格。岑敖暉早前便寫信對她說，「我都幾後知後覺，原來已再沒有機會喺呢個office 度一齊做嘢。」
去年生日，岑敖暉放假休息一天。時光荏苒，一眾被告已還柙超過三個月，至今未有歸期。今年生日，阿O 下載了畫家阿強的信紙。準備好好寫信予Lester。阿O 曾問岑敖暉，在出發環遊世界後，會否想收到由她在外地寄來信件和照片，「嗯，我驚佢睇到旅行相會唔開心。」
Lester 的回覆是，牆內的人收到牆外的人的任何消息，都總會開心，「as long as 唔係去咗唔返嚟就得。」「佢唔害怕坐監，但害怕出獄後要重新適應朋友圈子，害怕朋友都走光了，佢輕描淡寫地喺信講咗呢段嘢。」阿O 若有所思地說。
去年6月，岑敖暉宣佈參加立法會選舉，同時放棄美國護照。
棄美國護照不是選項 「佢係香港人」
此外，岑敖暉去年宣佈參加立法會選舉，同時放棄了美國護照。Lester 在填寫和簽署放棄美國護照的回條時，阿O 一直在旁，「佢逐條逐條問題讀出嚟，包括係咪被人威迫先放棄等等。」
阿O認為，對Lester 來說，放棄美國護照根本不是選項，「嗯，因為佢唔係美國人，佢係香港人。」「佢媽媽以前可能會鬧，但好快已知道佢個囝係勸唔掂。佢係好有決心做呢件事，而且係好自然嘅事，因為佢係香港人，香港係佢嘅根，佢嘅家。」
記者：麥馬高