（獨媒報導）六四前夕，康文署指為免有人進行非法集結，將由當晚11時起圍封維園球場及草地。過百名警員在10時半已駐守維園各出入口，並以鐵馬圍封部份球場。至11時，警員從四方八面展開清場行動，有波友在最後一刻才離開足球場，有人在執拾期間戲稱「我哋係暴徒嚟㗎」。警方最終在15分鐘內完成清場。
戴上黑口罩的藝術工作者宋先生在晚上9時半來到維園，在地面放上雨傘及兩支電子蠟燭，坐著讀《現代默劇小史》。他在靜坐期間曾被警方搜身，而被問到今晚為何而來時，他僅回應警員「No comment」。後來，現場更一度灑下豪雨，但宋先生並無退意，撐起雨傘繼續靜坐，堅持留守至11點的最後死線。
宋先生向《獨媒》記者表示，讀默劇的書是為自己的教學工作而備課，並指「一個人靜靜地存在喺度、逗留喺度，點起蠟燭、睇書，都可以係一個默劇」。被問到香港社會是否彷如一齣默劇般無法明言，他笑言沒有想得太複雜，但提到「默劇本身有佢嘅力量，喺某一啲嘅社會環境或者國度，可以宣洩一啲嘢」。記者追問一個人的默劇是否也有力量，宋先生指「一個人都有一個嘅特別」。
