（獨媒報導）警方禁止支聯會六四維園燭光晚會，有市民仍於早上到維園，堅持悼念六四。多名軍裝警員於維園內巡邏，亦有工人在外圍準備鐵馬。
夫婦穿黑衣悼念：我哋仲有著衫嘅自由
家住元朗的唐先生與太太身穿黑色T恤，他們表示「夜晚嚟（維園）就一定俾人拉，咁咪朝早嚟行個圈。」唐太表示：「我哋呢啲有返咁上下年紀嘅就唔驚，後生就要驚，佢依家就係針對年輕人呀嘛」，又指「我哋冇言論自由，但都仲有著衫嘅自由」，「講係罪，咁就唔好講，唔好俾人有位入到」。支聯會副主席鄒幸彤今早被捕，唐太認為鄒只是呼籲人悼念就已犯法，十分荒謬，批評香港言論自由「已經冇晒」。
唐太又回憶1989年六四時自己僅有14、15歲，當時香港人紛紛上街表達憤怒。他們稱過往六四有時間便會前來維園悼念，惟現時六四已慢慢「褪色」，少了很多人去提及與悼念。
游先生
任職餐飲業的游先生指，今早吃完早餐後「順路經過」維園。他身穿黑衣黑褲，指完全不擔心會因而被捕：「著黑色衫犯法㗎咩？我屋企啲衫全部都係黑色咁可以點？」游先生續指，警方禁止維園六四晚會及放風指會拘捕身穿黑衫褲的市民，做法不合理。他強調悼念六四是香港人的言論自由，相信大家今晚仍會以自己的方式去表達悼念的心。
馮先生
穿「中國」紅衣市民：公開悼念的終結
馮先生早上特地請假到場，他指出警方禁止集會並不重要，亦不會影響市民希望悼念的心：「悼念係自己嘅，唔關人數事。」馮先生表示今晚會參與追思彌撒，亦會提早去排隊入場。馮先生指可以用其他形式悼念，降低風險，自己亦特地換上寫有「中國」字樣的紅色衣服。他續指，若市民擔心風險，「六四唔嚟，六五嚟都得」，而形式也不重要，「自己開電視直播（彌撒）都得」。
馮先生坦言今年六四是香港公開悼念的終結，「喺維園搞都31年，要完嘅始終要完」，重點應該是「睇呢代人點樣承傳，都係鬥長命」。他續指，以往當教師時，會跟學生分享六四發生的事，但由於現在的限制，將來會轉為私下個別與年輕人分享。
