「真係唔做嗱？」語氣帶着惋惜和不捨，街坊如此嘆謂；在聯和墟開業接近三十載的利成家庭用品，即將在今年六月中結業。
聯和墟像是一個與世無爭的小社區，早在2000年便接手利成家品的明哥，亦陪着聯和墟經歷過大大小小的變化。談起多年來的經營心得，明哥笑指自家的雜貨比日本城更為齊全，「有啲搬離開北區、去咗大埔嘅街坊，都特登返嚟搵我買！」多年的街坊生意令利成在時代洪流下仍然屹立不倒，即使經歷了2014年及2019年的政治風波，明哥直言其生意非但沒有受影響，更越做越好。
然而，談及結業的原因，明哥面色一沉，幽幽的述說：「其實我真係唔想走、唔想離開香港，但係為咗小朋友嘅將來⋯⋯我唔係頂唔順啲租金，而係政權。」有如廖啟智「智叔」曾談及希望的幻滅，明哥道出了移民者的絕望和無奈，他表示不願貿然誇下海口叫人「加油」，「我都要走，仲有咩資格叫人守？」眼見現場氣氛陰沉緊張，空氣彷彿頓然凝固，他體貼地將話鋒一轉， 笑指「其實我唔緊張，係你地緊張啫！」
最後問及給年輕人的寄語，明哥思考了良久，努力尋找適當的詞彙。片刻之後，明哥抬頭堅定的說道：「無論前路如何，都要做好自己。凡事一旦放棄就係結束，隨時裝備好自己，機會到嘅時候自然會做到。」
離開的，不必愧疚；留下的人，好好生活。面對迅速崩壞的「傾城」當前，就如C AllStar 新曲《留下來的人》所指，總會有一天，彼此集合，那日見。
記者：1994
攝影：SS
編輯：信秀, 1994