（獨媒報導）荃灣區議員陳劍琴昨宣布辭職後，今午最後一次以區議員身份擺設街站，派發工作報告及與街坊道別。不少人上前與她相擁合照，陳不斷著大家「唔好講催淚嘢！」，惟仍不住數度落淚。有區內老街坊撐著拐杖前來，稱感謝陳劍琴兩年前將祈德尊選區從民建聯手上奪回，並為社區做了許多事：「雖然唔捨得（陳劍琴），但放心。」
陳劍琴則多次叮囑街坊，自己社區自己救，著眾人「以後自己主動去做」：「冇咗記者，我哋可以自己fact check搵真相；冇咗區議員，我哋自己打電話去部門，唔好忘記我哋有權去監察政府。」
在最後一刻辭職 陳劍琴嘆「不甘心多於遺憾」
陳劍琴稱，自己過去一直不想辭職，因為覺得政府對DQ區議員界線的說法含糊，像是唬嚇居多，亦認為自行辭職不合理：「如果要DQ，個角色應該由佢做，而唔係我自閹。」但她指，上週傳出的4項負面清單，是「強烈而清晰」的要脅，顯示政權已是「總之你係反對，就將你排除」；她坦言，自己不願跌入政府所期望的「有班人好乖咁宣誓，畫面好靚」的劇本，亦認為區議員辭職並非個人的事，故聽取區內街坊義工的建議後，終在週五下午的「last minute」作此抉擇。
她形容心情是「不甘心多於遺憾」，指自己一直想以區議員的身位連繫社區和教育街坊，但一年半的時間並不足夠。不過，她稱辭任後會繼續支援在囚人士和做社區工作，安慰街坊「你會繼續見到我㗎！」她指即使資源會較緊拙，日後仍會盡力維持公民社會運作：「吃力好多，唔等於我會唔做。」
街站播廣東歌 鼓勵大眾保持戰意
陳今日亦帶來咪箱，在街站播放《最後的信仰》等多首廣東話歌。她指近日的區議員辭職潮，令社會氣勢沉重，希望以音樂鼓勵大家保持戰意。她強調，希望街坊明白「沒有了區議員，也不是絕路」，除了要繼續在其他「戰線」上努力，亦可以主動監察政府。
老街坊斥歷屆民建聯議員唔做嘢 感謝陳劍琴「仆心仆命」
撐著拐杖、在祈德尊新邨居住了32年的吳女士，準時於3點到達街站。她稱今早收到陳劍琴的Whatsapp，得知她已辭職，故特意前來感謝她和合照：「其他人都唔敢行埋去，生人勿近咁。」
她形容，兩人的合照是「歷史紀念」，亦「好慶幸曾經去參加呢個（2019年）區議會選舉」。在陳劍琴當選前，祈德尊選區連續四屆由民建聯把持。吳女士斥以前的區議員「唔做嘢」，「爆咗水管我都唔知」；而陳則「仆心仆命」，故自己知道她辭職後：「雖然唔捨得，但放心。」她坦言早已勸告過陳：「見到大家都話走，佢仍然堅持繼續做，我話唔好再做啦，太危險啦。」
陳劍琴與阿Dick
丈夫由始至終支持：不甘心，但仍想做更多事
陳劍琴丈夫阿Dick 亦有到場支持妻子。他坦言，過去一直不希望妻子辭職，亦已有覺悟承受最壞後果：「一直冇乜儲蓄，破產咪破產囉，5年後再嚟過。」惟看到近日形勢，兩人權衡過後，認為應嘗試尋找其他可能性去做更多事，只好不甘心地辭職。
自19年暑假起，阿Dick便不時陪妻子在荃灣擺街站，看著她由最初無人認識，到現在得到許多街坊支持。他笑言，妻子是性情中人，當選區議員後「瞓晒身去做」，經常夜瞓，而且「是其是，非其非」，從不害怕政權，因此自己亦會擔心她。不過他認為，辭職後只能暫時「鬆一口氣」，因為無法排除政權會秋後算帳，但強調不會害怕。
