屯敘記者：阿聰
民政事務總署於上星期日早上於山景邨推行「新型冠狀病毒社區檢測計劃」，署方原計劃於樓宇的地下公用地方派發檢測套裝，但山景業主立案法團及其聘用的物業管理公司「未答允借出公用地方」，故選址改為道教青松小學。當區區議員黃丹晴批評法團權力過大，「法團嘅權力係大到連香港政府都冇辦法係大廈裡面展開抗疫工作，已經唔係牽涉政見問題，而家佢係唔畀就唔畀。」
法團唔借場有前科 記者向主席查詢不果
由民政事務總署推行的「新型冠狀病毒社區檢測計劃」，於上星期日早上8時於山景邨展開。民政總署於 8月7日的新聞公報 中表示，計劃原建議「每座樓宇的地下公用地方派發咽拭子採樣套裝和登記表格」，但由於「山景邨業主立案法團及其聘用的物業管理公司採取不合作的態度，至今仍未答允借出公用地方」，故改為在山景邨道教青松小學派發檢測套裝。本報記者曾發電郵向法團主席查詢拒絕借場的原因，惟一直未得到回覆。
其實早於2017年，已有該區小學欲借用山景公共空間進行體育活動時遭拒絕，結果要租借旅遊巴，帶領學生到他區的運動場上體育課。
民政事務總署改為在山景邨道教青松小學派發檢測套裝
領取檢測套裝人流不多 未有聚集問題
8月7日，景美樓及景業樓的居民可於早上8時至晚上8時領取檢測套裝。據記者於早上9時的觀察，領取檢測套裝的位置是青松小學的操場，操場裡有四個櫃台，分別為景美樓櫃台、景業樓櫃台、查詢櫃台以及一個用來播放檢測教學影片的櫃台。每個櫃台都有3至4名穿上防護衣的工作人員指示街坊如何領取及如何使用檢測套裝。現場所見，前來領取檢測套裝的人主要是長者，人數不多，加上有分流程序，故未有出現人流聚集的情況。
有街坊圍著檢測教學影片的櫃台
看示範短片後感疑惑 街坊憂不懂如何檢測
大部分前來領取檢測套裝的街坊均表示擔心自己不懂如何採樣作檢測，有街坊圍著檢測教學影片的櫃台說要「睇多幾次，驚自己唔識用」，有的街坊疑惑：「我頭先聽工作人員支野（咽拭子）擺係吊鐘（懸雍垂）後面，但睇條片好似係放係吊鐘附近，嗱，你望下，對住塊鏡『啊』一聲之後先做，感覺好難！」
長者黎婆婆
街坊批冇醫護幫手 長者親自落手有難度
其中一名街坊李先生批評：「後生仔可以自己試，但公公婆婆真係唔識驗，做得唔正確嘅個測試結果咪唔準？浪費人力物力結果咩都做唔到。」李先生認為：「橫掂都係做，點解唔做好一點，應該搵醫護人員教長者做！但呢度冇！」於青松小學當值的民政署職員坦言：「我哋唔係衛生署，所以沒有醫護人員在場教導。屯門檢測計劃同仁愛堂合作，呢度嘅工作人員主要來自仁愛堂。」不過，長者黎婆婆卻對如何檢測嘅問題表示樂觀：「唔係好擔心，佢有本書仔教我地點做，唔識咪打電話去問。」
患肌肉萎縮症坐著輪椅前來的周先生
患肌肉萎縮症坐輪椅人士：「手遞唔起，我又獨居，邊個幫我做﹖」
一名住在景榮樓，患肌肉萎縮症坐著輪椅前來的周先生，以為今天可取檢測套裝，但原來景榮樓居民領取檢測套裝的日期為8月12日，結果白行一趟。離開前，他向記者表達憂慮：「我隻手遞唔起，點樣將支野塞落個吊鐘度啊！」記者問及家中有沒有人協助他進行檢測，他坦言：「我獨居㗎，邊個幫我做？」他又質疑居民自行檢測的成效：「有人怕痛唔敢擺咁入，有人擺入去擺到想嘔求奇撩幾撩就算，所以都唔知準唔準！」
山景區議員黃丹晴
議員批評：法團權力過大，唔畀就唔畀
約早上10時，山景區議員黃丹晴到場視察派發檢測套裝的情況。對於有居住於景榮樓的坐輪椅人士不了解派發套裝的具體時間及詳情，他指：「可能因為業主立案法團唔允許民政於大廈嘅公用地方貼海報，民政只能係商場度貼，街坊留意唔到。」
檢測套裝
社區主任羅焯勇補充：「之前景美樓有人確診，我地已去信比管理處，要求佢地全力配合政府抗疫工作，但最後結果呢﹖係唔比政府係大廈大堂做，有婆婆隻腳行唔到都要特登黎青松小學攞檢測工具！」