節目主持劉慧卿、全港業主反貪腐反圍標大聯盟發言人莊榮輝
（獨媒報導）近年發生多宗大維修爭議事件，包括屯門澤豐花園、柴灣樂翠臺、將軍澳景林邨及李鄭屋邨等，一直跟進法團事務的全港業主反貪腐反圍標大聯盟發言人莊榮輝在網台節目中指，業主在物業管理法律上的權力無法被取代，應對「圍標」需居民自身行動：「如果結果啲居民係唔肯行出嚟，唔肯去做嘢嘅，邊個幫都冇用。」
近日法庭就西環海都樓業主入稟一事作出裁決，原法團的當選資格及通過大維修的決議無效，周六（1月18日）將重選法團。莊榮輝提及被法庭裁定非妥為當選的前法團主席翁珮玲，其身份僅為持有物業的有限公司授權代表，翁本身亦非該公司的職員或董事，認為屬法律漏洞，建議應限制公司代表必須由董事或職員擔任。
民政事務總署為負責監管物管相關法例實行的部門，莊榮輝形容佢角色重要，「因為佢揸住條法例，好多情況之下佢應該一早有個立場，佢嗰立場唔係話企喺邊個居民嗰面，而係企喺法例嗰面、個規矩嗰面。」他對民政處過往未積極介入感到可惜，「佢永遠一去到一啲例，或者法律上面嘅爭議，民政處好行咁講一句『請居民自己去尋求法律意見啦』。」
現時法例無規定管委會會議需開放予公眾參與，莊榮輝亦認為需要改革，「如果你哋嗰法團係想做得好，想啲業主認受你嘅，你就冇乜嘢會議需要閉門，你應該打開門畀人睇。」
莊榮輝最後重申，應對「圍標」始終需要業主自身的行動，「如果結果啲居民係唔肯行出嚟，唔肯去做嘢嘅，邊個幫都冇用。」