（獨媒報導）本港疫後瀰漫「結業潮」，零售業和飲食業愁雲慘霧。為幫小店「自救」，Facebook專頁「大埔為食友」版主Louis聯同社區人士籌辦「大埔勁賞fun」活動，集合52間區內小店，食客只需「打卡」或分享宣傳片就能獲得優惠，例如全單9折、送小食或飲品等。
Louis說他開設專頁已有9年，認識了不少區內食店老闆，見到近年很多店舖執笠，「我覺得衰過疫情」，於是想出今次活動，希望大埔街坊和區外人都能感受到：「其實大埔都好多嘢玩、好多嘢食，宜家又咁多優惠，不如唔好上大陸消費啦。」
「大埔勁賞fun」宣傳片
為期三星期 打卡或分享宣傳片即享優惠
不時在Facebook專頁分享大埔美食的Louis，上月在社區媒體「大埔社區網絡」記者的提議下，開始籌備「大埔勁賞fun」。活動為期三星期，在8月11日至9月1日間只要在手機上讚好或轉載活動宣傳片，再向參與的52間商店出示，就能獲得優惠。大部分參加商戶都是食肆，遍佈大埔墟、太和和大美督。
Louis感嘆，開設「大埔為食友」專頁9年以來，都未見過比現在更愁雲慘霧的氛圍。
邀保錡、小店拍宣傳片 盼聯繫社區
為宣傳活動，Louis 聯同「大埔社區網絡」 為每間參與商戶拍攝宣傳短片，「大埔之子」藝人保錡亦有份出鏡。他們又邀請區內街坊兼創作歌手黃意雅為宣傳片製作主題曲，並在活動首日舉行「起動禮」。Louis 形容整個籌辦過程順暢，原先以為只有二十間店舖會答應參與：「但我問嘅40多間小店，全部答應參加，好感動，小店先有呢啲情況出現。公佈活動後，起碼十間小店問我點解唔叫埋佢哋。」
Louis 又形容，籌備方式很「街坊」，例如找店舖借場和邀請街坊設計宣傳貼紙都不需花費。他又說，希望活動能聯繫到區內街坊，令大家開心，但不敢有太大期望，「如果有用嘅，下次侵多啲人玩囉。都想班人開心啲囉，每日呻係冇意思㗎嘛，不如搞啲嘢出嚟，諗啲辦法氹啲人嚟大埔，有啲生氣，啲人咪開心啲！」
「逸東餃子」和「鼓油西餐」老闆Joby、「大埔為食友」版主Louis
鼓油西餐有多款小食，當中Louis最推薦瑞士汁雞翼；逸東餃子除了有多款口味的餃子，其無味精蕃茄薯仔湯及自家豆漿亦獲Louis大讚為「必飲！」
食肆老闆：周圍啲舖都執、盼「多啲人嚟試吓」
位於大埔東昌街的兩間食肆「逸東餃子」和「鼓油西餐」，都有參與「大埔勁賞fun」，提供惠顧全單9折。老闆Joby 說今年市道「好靜」、「周圍啲舖都執」，形容比疫情最嚴峻的時候更差，猜可能是港人北上、外遊等原因。
其中鼓油西餐於今年4月開業，舖位上一手是西餐廳。Joby說，接手是因為「唔想條街靜」：「始終（位處街道上）第一間舖，如果close咗成條街就靜咗，隔離（舖位）已經吉咗。」不過她嘆，開業至今一直蝕錢，即使客人評語都不錯：「如果睇得到大環境咁差，我唔會做呢度。」
生意不佳下仍參與計劃，Joby說是希望「多啲人嚟試、食吓我啲嘢」。她又嘆沒感受到政府的幫助，「我冇得到任何support」，現時靠重新設計店面、改善出品味道來吸引食客。
有份參與「大埔勁賞fun」的商戶，都在舖面貼上貼紙。
Louis過往亦曾經聯同大埔區小店舉辦包場放映活動，支持港產電影。