大埔墟店鋪阻街問題多年來為人垢病，店鋪將貨品及雜物擺出鋪外，不但令原本人來人往的街道更為擠塞，更會引起不少衞生問題，帶來鼠患蟲患。今年5月，「鮮味市場」進駐大埔墟四里，把大量貨物擺出街道（見上圖），惹來街坊不滿及投訴，一直存在的店鋪阻街問題再引起大埔居民關注。《埔報》今期透過視察及訪問各持份者，深入探討此議題。
本報記者走訪大埔墟四里（大明里、大光里、大榮里、廣福里）及各街道等墟市範圍，發現多個位置皆出現店鋪阻街問題。位於四里新開張的鮮味市場，大量雜物包括膠籃、發泡膠箱、紙皮箱等，以及一箱箱西瓜等水果擺放於街道上。事實上，5月下旬鮮味市場甫開張兩日，已因阻街問題引致食環署及警方到場執法，當時食環人員曾充公相同位置的雜物及貨品，現時附近位置重新充斥雜物，可見阻街問題仍未解決。
家農及祥興食品外的鄉事會街長期有膠籃、發泡膠箱等
安富道行人路最窄時餘約一米
另外，四里的路中央同樣不時放置著貨物，記者於上月其中一個星期日現場視察，發現大光里有多間水果檔及菜檔被放置多箱橙及紙皮箱；而「家農優質果菜」及「祥興食品批發市場」外的鄉事會街、安富道亦時有不少雜物堆放路邊，再加上店鋪伸延貨品，行人路最窄時餘約一米，在遊人如鯽的大埔墟市，經常出現水泄不通的情況。
時任區議員區鎮樺表示，大埔墟店鋪阻街問題比以前更嚴重，因多了水果檔、菜檔、肉檔，儘管以前較自律，但多了連鎖店進駐，他們薄利多銷，因而需要較大地方，但鋪位又不用作擺貨，於是擺了岀門口，而小店覺得不跟著做便吃虧，因此便加劇阻街亂象。
街坊李先生： 一定唔幫襯阻街嘅鋪
「大埔墟店鋪阻街問題非常嚴重，阻住行人，疫情嚴重嗰陣行人被迫擠擁；雜物堆喺街道影響巿容；又會引起衞生問題，我親戚住呢區，貨品擺街引咗好多老鼠、曱甴，我只係見到食環人員企喺度㗎咋，唔執法。
應該多啲街坊岀嚟，有人做下問卷問下佢哋意見，會唔會畀多啲壓力，話畀人知唔需要咁多依類集團式水果店鋪？ 都有街市啦嘛，我一定唔會幫襯阻街嘅鋪頭，唔改善就唔會幫襯。」
網民留言
Ｘ Ｘ Law :
「每次行過我都覺自己在玩閃避球，左避垃圾車，右避路人，直行有人拎車仔車腳，一係擔遮骨插眼，唔係就菜檔勁多污水。」
Lau Ｘ：
「噪音問題，叫賣聲超大，班生果佬好似take咗狂叫。」
Jen XXX:
「食環一走咗就秒速擺番曬出嚟。鮮味市場九成職員唔帶口罩大大聲叫賣，我真係無勇氣幫襯。」