【獨媒報導】運輸及物流局擬把啟德智慧綠色集體運輸系統的走線，移至現有啟德空中花園上，周四（3月20日）在九龍城區議會交通運輸委員會討論。有公園使用者認為，新走線「大煞風景」，惟認為能方便某些人「有好有唔好」，明白需取捨及權衡輕重。另有使用者認為支撐軌道的支柱阻礙通道，「你想行直路都難，唔好講跑步，普通行路我覺得都唔方便。」當局提交的文件指，車廠商業用地將用作資助項目，如有需要亦會考慮區內其他住宅用地。

當局稱新走線不影響行人道網絡功能

啟德智慧綠色集體運輸系統全長3.5公里，採用高架橋設計。原擬的走線為沿承豐道西行線旁邊行人道興建，惟局方日前稱聽取意見後，將走線向東北方向微調，改現有承豐道隔音屏及空中花園上加建一條專屬車道走廊，使系統與樓宇之間的距離由約10米增加至約20米。當局文件強調不會影響空中花園作為連接前跑道區的行人道網絡功能，亦可為部分啟德空中花園提供上蓋，為市民提供更舒適的步行環境和體驗。文件指，部分啟德空中花園及啟德車站廣場的設施需要分階段臨時封閉，當局會將受影響範圍盡量減至最少，減低對市民的影響。

有市民指大煞風景：空中花園等如冇咗

《獨媒》記者在空中花園訪問使用者，居於附近的卞小姐坦言「唔係咁鐘意」新走線，指自己幾乎每天都會到空中花園散步，「覺得（花園）好好，係好靚嘅地方」，將走線移至花園上是「大煞風景」。不過她亦指新走線能方便某些人「有好有唔好」，明白需取捨及權衡輕重。此外，附近有啟德體育園，相鄰交通配套須配合「呢啲冇辦法」。

同居於附近的陳先生亦認為新走線有礙景觀，「空中花園等如冇咗，因為空中花園露天㗎嘛，突然間就變咗普通天橋咁，又暗呀，上高有輕軌經過都會有心理壓力。」他指新方案雖然有利居民，但對公園使用者則「唔係咁好」，因現時有不少人前來跑步。新方案須在空中花園興建支撐軌道的支柱，「你想行直路都難，唔好講跑步，普通行路我覺得都唔方便」，望當局考慮新舊方案所影響的人數，並研究以更創新方法保障民居私隱。

由牛頭角前來散步的宋小姐表示，若日後空中花園上方建設軌道，會影響其到訪意欲。她又認為「呢度（啟德跑道區）啲人買得起嘅話，我覺得佢有車囉一定係，我諗佢都唔會希望有啲嘢攔住咗（景觀）。」

車廠商業地將用作資助項目

新系統車廠將設於啟德前跑道區約2公頃商業用地，當局文件指將設有訊號系統、供電及充電設施、車輛停泊處、維修保養配置及控制中心等。政府擬批出車廠用地上蓋物業發展權，為項目提供財務資助。文件又稱「顧及近期物業市場的價格變化」，如有需要亦會考慮利用其他區內的住宅用地，例如啟德第3E區1號或2號用地1的物業發展權，作為財務資助之用。