屯敘記者：阿聰
6月26日及6月27日，山景居民於邨外近天橋的位置設置街站，目的是呼籲當區的業主簽名，透過行動要求管委會及法團主席吳蕙蘭召開業主大會，並回應及更進部分業主提出的五大訴求《屯敘》聯絡了街站其中一名負責人小燕，小燕指「舊年3月法團就增加管理費一事召開業主大會，按規定，佢哋必須係今年6月17日之前召開周年大會，但到今日為止（6月27日），我哋見唔到佢開會，都冇通知業主佢6月17日之前開唔到會﹗」
收集業主簽名最迫切 開大會是解決問題的第一步
根據民政事務處一份名為《建築物管理條例（第344章）指南》的文件，裡面提及到根據法例：「管委會須在每次業主周年大會後的12至15個月內，召開一次業主周年大會。」若未能在指定時間內召開會議，只要「在不少於5%的業主要求下，管委會主席須在收到要求後的天內，就業主所指明的事宜召開業主大會，並在收到要求後的45天內舉行該業主大會。」小燕指：「目前我哋最迫切嘅係要收集至少5%業主嘅簽名，要求法團開會，否則山景邨設施同衛生問題係冇辦法解決！今日我地晏晝都會擺街站，希望業主支持﹗」
街坊向法團提出五大訴求，包括：一、要求法團主席按法例召開業主大會；二、公平公正公開進行業主大會；三、公開帳目；四、盡快維修山景邨設施；五、改善管理處人員及保安員態度問題。
升降機成日壞 周地老鼠入埋大堂冇人管
《屯敘》於上周發的一篇題為《山景邨咩設施都爛 街坊：「未聽過山景有法團」》的文章，裡面提到山景公共設施相當惡劣。原來，除籃球架損毀、地面凹凸不平、街燈壞等大廈外的問題外，大廈裡面同樣千瘡百孔。小燕指：「舊年景樂樓三部?可同一時間壞晒﹗如果街坊有事，救護又上唔到嚟點算！」，她指出「屋邨嘅衛生問題冇人理！景安樓近垃圾房位置周地都係老鼠，有時會走到大堂同保安員座頭個位置！」
除環境問題外，小燕批評法團未有關注街坊在武肺疫情之下的健康問題，「今年年初疫情嚴重，我哋一班街坊原本打算將單張入落居民信箱，話畀佢哋知邊度有得派漂白水同搓手液。但管理公司竟然唔比我哋將紙入落信箱，想幫居民都幫唔到﹗」
現任區議員黃丹晴（山景）
議員主動聯絡法團望一共「搞好山景」 卻從無回音
法團除了不讓街坊以單張方式把抗疫資訊傳給住戶外，亦未有跟當區區議員做好溝通工作。現任區議員黃丹晴（山景）向記者表達無奈，「我哋試過唔同途徑去聯絡法團，如透過管理處聯絡吳蕙蘭主席，希望吳主席批准我哋喺大廈內貼區議會活動或者抗疫資訊，但結果係統統都冇回應。區議員冇辦法可以作為溝通橋樑，做唔到凝聚社區。」黃丹晴又批評，「疫情肆虐期間，一啲社福機構想上樓派發抗疫物資，有一啲團體可以上，有一啲又唔批准，制度咁混亂，完全欠缺明確指引！」
羅焯勇（右）
在山景參與社區工作多年的羅焯勇指，「如果法團只接受自己認可嘅組織向居民傳達資訊，其他嘅一概唔批准，市民接收資訊渠道變得好單一！例如，我哋有糭派佢哋唔知；停水停電可能居民要半夜三更問隔離屋先知！作為居民應獲得嘅福利同收到嘅消息佢哋全部都冇，咁社區點發展？」黃在旁邊表示認同，「係呀，連介紹下居民法團係咩，區議員有咩用都做唔到﹗」
早前有山景街坊向《屯敘》報料，指法團於6月18日大廈內貼告示，標題為「利益集團 再次重施故技 欺騙業戶」。香港獨立媒體記者於6月26日就有關事件，發信給法團主席吳蕙蘭，請其就利益集團的指控作出回應。到目前為止，記者仍未收到回覆。