（獨媒報導）西營盤均益大廈二期早前選出新一屆法團委員，6名開明派當選，力保話事權。新任法團主席、司庫和秘書接受獨媒訪問，他們都有一個共同點，原本都不理會大廈事務，卻先後覺醒，希望在風雨飄搖下的香港，為居住的地方做得更多。主席黃鎮民表明希望做好大維修，和團結更多街坊關心大廈，「呢個係我個家，無理由唔理」。
均益大廈二期一直被視為建制陣地，法團在2018年換屆，街坊組成「均益二期老友記」名單參選，成功打破親民建聯、以許溪水為首的法團逾二十年的壟斷。這幾年，不斷有其他屋苑法團和關注組特地向他們取經。
然而，上屆法團主席和副主席先後辭職和離任。在前年區議會選舉後，民建聯仍在大廈商場設辦事處，親建制人士今屆便組成11人班底，欲強攻回魂，最後在街坊齊心下，親建制團隊只取得5席。
黃鎮民
西區長大 覺醒盼為居民發聲
37歲的黃鎮民在公證行工作，負責保險賠償工作，他在大廈居住了28年，小學和中學都在西區讀書，現時和太太居住在「均二」，「呢度係大家住嘅地方，真係好有理由要出聲，層樓再咁落去真係會冧。」
「今次點解成功連任？其實都係聆聽到居民嘅擔心，佢哋覺得層樓再咁長此落去，真係唔掂。」黃鎮民強調，替居民發聲最為重要，指總有街坊抱住僥倖的心，「得嫁啦，會有人搞。嗯，我三年前都係咁諗。」
「我好努力去同街坊解釋，你唔投我哋唔緊要，但要關心呢件事，呢度你屋企嚟。」黃鎮民一直不太理會屋苑事務，三年前法團換屆，他亦只簽了授權予高文軒投票，「估唔到今次殺到埋身，就要落水幫手。」
「街坊同我講，今次得三個人連任，唔得就唔再搞，我會覺得好可惜。」原法團只有三人爭取連任，面對親建制人士來勢洶洶，黃鎮民決定行前多一步。他亦坦誠表示，法團工作需要付出時間和心力，太太對他參選初時有少少意見，但漸漸覺得「一定要做落去」。
無畏中聯辦 「我哋只係爭取返自己民生」
法團會議當晚群魔亂舞，有親建制人士大鬧會場，指罵在場街坊，並揚言要驅逐外人，包括不准非業主的高文軒主持會議，更恐嚇記者、辱罵保安和工作人員。在黃鎮民的認知中，鄰里之間一向和諧，「如果個晚全部都係真街坊，我唔明點解要咁做。」他形容該批人士好失禮，指街坊必須尊重自己，「你自己都唔尊重自己，邊有人尊重你？」
「西環」中聯辦距離均二的數街之隔，法團選情備受關注。黃鎮民表明不太擔心，「我哋講民生，既然佢又好關心我哋民生，我哋只係爭取返自己民生，唔覺得會對我哋構成壓力。」
拒以身份區分自己人
有不少「均二」街坊都愛用區分「自己人」，黃鎮民強調應對事不對人，「一棟樓一樣有規矩、有法律，唔係攞身份認同去區分。我作為主席，都唔會有特權，我會講我哋全部都係住均益嘅。」
他表示，「均二」最可貴的是鄰里之間的人情味，而且交通方便，樓價在區內相對合理；他慨嘆以許溪水為首的前法團，多年來未有處理好維修和衛生問題。「其實我哋都係想做好維修嘛。如果大維修要交俾人做，不如等我哋督住嚟做，用心做好佢。」
林慧莊
司庫：如果俾建制返嚟，後果不堪設想
連任法團司庫的林慧莊是傳道人，在醫院任院牧，自均二入伙便居住在這裡。她同樣不太理會大廈事務，但多年前發現大廈的大閘中門大開，曾對時任法團主席許溪水反映，卻不獲理會。
最令人怒火中燒的是，林慧莊曾列席前屆法團會議，眼見文件和帳目混亂，「成堆文件喺民建聯個辦事處搬出嚟開會，點解關係密切到咁。」她苦笑說，如果讓親建制人士捲土重來，大廈將會不堪設想，「我淨係想問，點解開次大會，都要搞到黑社會開片咁呢？」
高文軒
法團秘書傘後覺醒 因大廈管理工作惹上官非
同樣成功連任的還有法團秘書的高文軒，他三年來一直被建制人士視為眼中釘，更曾被親建制報章點名批評搞事，他去年便因為大廈的管理工作惹上官非。一名男子醉酒在大廈鬧事及便溺，高文軒出手制服對方，反被控在公眾地方打鬥，案件下月再聆訊。
2014年雨傘運動，令任職銀行的高文軒覺醒，他在金鐘的流動教室，聽到林卓廷講大廈管理，「點解啲嘢喺我棟大廈發生哂嘅，唔係唔理呀嘛。」他同樣越行越前，遭到中資銀行僱主提早解約，三年前成為法團秘書，幾乎瞓身處理大廈管理和法團行政事務，近乎事事親力親為，「有啲嘢係一定要做，好多人仲坐緊監，自己搵少啲，呢啲犧牲算係咩。」
「均二」有近一半住戶拖欠管理費，高文軒表明，將會向對抗性的住戶作出追收。然而，前年反送中運動加上疫情，高文軒有一番感受，希望能更人性化管理大廈，包括增加夜更保安的休息時間，「嗯，會研究下咩原因唔交管理費，喺咁無人性嘅社會下，要做返啲人性嘅嘢。如果喺人哋困難嗰時去追，會否落井下石呢？」