屯敘記者：阿聰
經過大半年的翻新工程，以前僅有少量店鋪的兆禧街市搖身一變成為一條「美食街」，並於今天（6月24日）開幕。《屯敘》記者晚上特意到訪兆禧食坊，了解開幕第一天的情況。
地下暫未作打球用途
熟悉兆禧商場的街坊都知道，以往地下有兩個羽毛球場，供街坊切磋球技。但今天晚上，該地由以往漆黑一片，變得燈火通明，但用途暫時未見其跟球類運動有關。記者目睹這「地下空地」擺放了長凳，小孩及長者都在那裡休息乘涼。往前走，街坊很容易就看見中央有一個奪目大招牌，上面寫著「兆禧食坊」四字，吸引遊人或街坊駐足觀看或拍照留念。
煙較多 街坊指抽氣不足
進入食坊後，記者見大量街坊都擠進去閒逛，偶爾出現水泄不通的情況，顯然這跟以往冷清的街市大相逕庭。人多自然聲音也多，記者第一句從街坊口中接收到的訊息是：「好大煙啊，可能係太多食店，抽氣系統唔係做得咁好﹗」記者估計，光是食店於這裡已有十多間，如荷里活冰室、豪大大雞排等等。但最吸引記者注意的，是經營了二十四年多的腸粉檔。
經營廿四年腸粉檔為街坊重開
曾於碼頭區生活的街坊，都可能曾光顧李太的腸粉檔，品嚐其廉價卻白滑可口的腸粉，以及腸仔、魚蛋等小食。吃的除了是食物，還有人情味。李太說：「以前係呢度租左三間鋪，空間大，可以賣雜貨及乾糧。但而家得一個鋪位，我地就只可以賣腸粉同其他熟食﹗」明顯，跟以前兆禧商場比較，這裡的租金較貴，但為何李太仍然選擇在這裡開鋪呢﹖李太坦言：「揀呢度真係因為街坊。我係度開左鋪廿四年。翻新工程期間，好多街坊都好熱情，不斷問我地幾時返黎，我地同街坊有好多年感情，咪返黎開鋪。」旁邊的李生忍不住插嘴：「返黎吹下水，度下日辰﹗」現場所見，一些新店進駐食街，裝潢漂亮雅緻，也的確為該地添上活力。被問到會否因為租金太貴，對手多了，失去了競爭力。李太笑說：「完全冇擔心，我地冇打算同新鋪既後生仔爭，我地做到八九點就收工，所有事情都用平常心去面對﹗」
「選擇多左，裝修靚咗」
李生李太對世事坦然的態度，值得尊重。臨別前，李太還特意請記者喝冰涼的烏龍茶。鑑於現場街坊爭相向李太購物小吃，記者亦不便逗留，於是向前行。途中又看到一對情侶在食街搜索，似乎正在思考應光顧哪一家食店。街坊李生的女友表示：「而家多左好多食肆，選擇多左﹗」李生在旁邊立即說：「好想食豪大大雞排，以前要出到市中心先有得食。」對於集團式食肆的進駐，李生則說：「沒有想過這方面的問題，我只係覺得而家裝修光鮮左，四周又乾淨左，都期待佢翻新﹗」
議員憂慮小店經營困難
李生對食街持正面的評價，該區區議員甄紹南（兆禧）則認為食街有利亦有弊。甄紹南於今天早上便到兆禧食坊視察，並於下午接受記者採訪。甄紹南說：「的確，而家裝修好咗，選擇多咗，人流多咗，連付款的方式都多咗好多，可以用微信，儲分等時尚嘅繳費方式。」不過，他接著又說：「食坊經營及運作模式唔同以前，以前真係街坊自己住嘅地方自己開鋪。但好明顯，而家多咗一些集團式食肆，例如荷里活冰室喺九龍係有分店嘅。另外，我驟眼望埋去，有一些小店唔似本地街坊經營，有機會係食住本土文化的興起，以小店作為榥子吸引顧客，背後係其實以集團及連鎖的模式運作。」他又指：「今日我既嘅觀察，大概有一半係本地小店，李太間腸粉檔就係一個例子，但這裡租金貴，佢地又唔慣太夜收鋪，到底這些小店能否長時間於這裡經營，還是很快就被淘汰，都仲係未知知數。」
甄紹南又表示很多街坊跟自己一樣都持觀望的態度，自己在之後會密切留意食街的發展是否關注街坊的需要，希望街坊在享用美食之餘，都了解一下它對整個社區發展的影響。