【獨媒報導】每個冠軍背後都有一段辛酸，在香港16歲青年鄭業楷（蝦皮）勇奪 Pokémon GO 世界錦標賽冠軍後，前香港領隊張樂行透露尋求贊助時屢遭奚落和取笑，其中一位雪中送碳的有心人，是同樣熱愛 Pokémon 遊戲的港大教授黎青龍。黎青龍今早在商台節目接受訪問，直言「我覺得佢哋傻啊，笑佢嗰個」，並指遊戲既不是賭博也沒有害，「畀小朋友鬆弛吓都好啊！」訪問透露轉任榮休教授的黎青龍，薪金減至約4萬元，意味贊助1萬元，等於他月薪約四分一。
前領隊張樂行（Sam）昨日撰文憶述去年寫信予黎青龍尋求贊助的經過，當時「日日搵贊助都被人鬧、被人笑、被人無視」，豈料黎青龍的回覆表示：「唔好意思啊，我而家減咗薪，收入少咗。我呢度得唔係好多錢，得一萬蚊。唔知夠唔夠呢？」他形容黎青龍的支持尤如「雪中送炭」，即使去年最終落敗，黎亦大力鼓勵：「繼續打，一定會考第一嘅！」
黎青龍（左）、張樂行（右）｜圖片來源：English Lesson for Freedom Facebook
黎：多謝蝦皮咁努力
黎青龍今早在商台《在晴朗的一天出發》受訪，他表示不認識也未見過「蝦皮」，笑言從朋友聽說「唔知佢係咪叫 Happy」，「希望佢話送嘢畀我時會見，會請佢食嘢」，他最想向對方說：「多謝佢咁努力。」
主持問到，Sam 去年找他贊助時有何想法，黎青龍表示「我唔使諗，自己咁鍾意玩，佢嗌聲我，班細路仔無人工無錢，我梗係畀佢啦」。
黎青龍指答應對方後就立即過數，不過他笑言當時用瑪麗院的提款機「幾分鐘就得」，Sam 可能誤會了他是「跑」去銀行。至於去年日本的比賽，他記得鼓勵對方「可能贏，可能唔贏，即使唔贏都無所謂，無人 expect（期望）你一比賽即刻贏」。而去年比賽經驗幫助到今年取勝，黎青龍直言「我都唔知幾開心」。他又表示收到對方手信，「送咗好多，我都唔好意思」，他感到贊助的一萬元「又唔係好多」。
直播截圖
比賽對手威水 「你仲要威水過佢」
至於 Sam 昨日撰文提到，在尋找其他人贊助時被取笑，黎青龍直指「我覺得佢哋傻啊，笑佢嗰個，有乜所謂啫，無嘢㗎喎，唔係同人賭博，畀小朋友鬆弛吓都好啊」。
對 Pokémon GO 的鍾愛，他笑言「好難講真係」，「提到嘢吸引我囉」，或可能該遊戲「好似 sports（運動），但唔使郁」，以往要周圍捉精靈，但現時有遙距功能，「唔使出街，做緊嘢玩一玩，咪繼續做嘢囉」，可以當作提神。主持人又問，Pokémon GO 比賽的難度是什麼，黎青龍答：「對手威水囉，你仲要威水過佢囉」，他又笑說自己不敢參加比賽，因為他覺得自己「實輸」，「唔好㗎，好怕畀人知我輸。」
直播截圖
不應負面看待子女打機
很多家長或者覺得遊戲不認真，擔心子女「掛住打機」，總是帶負面感觀，黎青龍直指，「咁我哋個個都睇住嗰機㗎啦真係，我唔信啲家長自己唔用機」，他又表示「24小時做到好多嘢」，現在兼職教授固然「好多時間」，但以往全職教書時，他都「包有時間（打機）」。他又表示，如果有其他學生找他贊助參加電競比賽，都會支持。